في الوقت نفسه اللي المتسولين بقوا يقولوا للسياح
One dollar, please!
بقينا نشوف العجب في اللغة العربية
سواء من المتعلمين أو الأميين أو حتى الجهلة
و أنا _هنا_ مش بحكي عشان أعتب على حد
أنا بس بكتب عشان لو ما اتكلمتش هـاطـقّ
و ربنا يشهد على إن الأمثلة اللي هاقولها دي شوفتها بأم عيني
...............................
يوميا و أنا في طريقي للشغل بمـرّ على مدرسة ابتدائي
مكتوب على سورها :
"إقراء باسم ربـك الذي خلق"
.............و لا تعليق..............
مرة _في الشغل_ واحد بعتلنا فاكس بصورة جواز سفره
و المفروض إنه مكتوب فيه الأسماء زي ما هو عايزها في شهادة الميلاد
كاتب فيه بخط ايده : اسم الأوم : فلانة الفلانية
.................................................
و كله كوم بأه و الحاجات اللي بشوفها على النت كوم تاني
تلاقي مثلا واحد بيحلف يروح قايل : واللهي
تلاقي واحد بيقدم المشيئة فيقول : انشاء الله
طب ايه؟ حتى لفظ الجلالة مش معروف بيتكتب ازاي؟
معقول مش معروف إن شاء الله معناها ايه و انشاء الله دي معناها ايه؟
...............!!!!!!!!!!!!!!!!!!..................
و بعيداً عن اللغة العربية و المهازل اللي شوفتها من الطلبة أيام الكلية
و اللي بقابلها كل يوم في الحياة العادية
و بشوفها في اليفط والإعلانات في الشوارع
و بمناسبة إن "العلمو نورون" .. و تحية لتيتة زوزي
كنا بنتناقش امبارح _في الشغل بردو_ في موضوع فتوى ضرب الزوجة لزوجها
و كان حد بيحكي عن مراته و إنها مش مطيعة و كده
و هي _متجوزة على فكرة ومعاها طفلين .. وعندها 19 سنة (!!)_
بالصدفة كانت حاضرة المناقشة دي
لقيتها بتقوللي أنا سمعت إن الراجل لو قال لمراته ماتصليش
ربنا مايزعلش منه ولا يحاسبه .. وهي المفروض تطيعه (!!)
رغم إنها كتير أوي بتذهلني بجهلها وعدم وعيها بحاجات كتير
إلا إني المرة دي ازبهليت بجد
أد كده فيه جهل في بلدنا .. وناس عايشة تحت الصفر؟
أنا عارفة كويس أوي إن العيب مش عليهم ..
العيب على اللي سابهم بقوا كده
ربنا يجازي اللي كان السبب
يمهــل .. ولا يهمــل
One dollar, please!
بقينا نشوف العجب في اللغة العربية
سواء من المتعلمين أو الأميين أو حتى الجهلة
و أنا _هنا_ مش بحكي عشان أعتب على حد
أنا بس بكتب عشان لو ما اتكلمتش هـاطـقّ
و ربنا يشهد على إن الأمثلة اللي هاقولها دي شوفتها بأم عيني
...............................
يوميا و أنا في طريقي للشغل بمـرّ على مدرسة ابتدائي
مكتوب على سورها :
"إقراء باسم ربـك الذي خلق"
.............و لا تعليق..............
مرة _في الشغل_ واحد بعتلنا فاكس بصورة جواز سفره
و المفروض إنه مكتوب فيه الأسماء زي ما هو عايزها في شهادة الميلاد
كاتب فيه بخط ايده : اسم الأوم : فلانة الفلانية
.................................................
و كله كوم بأه و الحاجات اللي بشوفها على النت كوم تاني
تلاقي مثلا واحد بيحلف يروح قايل : واللهي
تلاقي واحد بيقدم المشيئة فيقول : انشاء الله
طب ايه؟ حتى لفظ الجلالة مش معروف بيتكتب ازاي؟
معقول مش معروف إن شاء الله معناها ايه و انشاء الله دي معناها ايه؟
...............!!!!!!!!!!!!!!!!!!..................
و بعيداً عن اللغة العربية و المهازل اللي شوفتها من الطلبة أيام الكلية
و اللي بقابلها كل يوم في الحياة العادية
و بشوفها في اليفط والإعلانات في الشوارع
و بمناسبة إن "العلمو نورون" .. و تحية لتيتة زوزي
كنا بنتناقش امبارح _في الشغل بردو_ في موضوع فتوى ضرب الزوجة لزوجها
و كان حد بيحكي عن مراته و إنها مش مطيعة و كده
و هي _متجوزة على فكرة ومعاها طفلين .. وعندها 19 سنة (!!)_
بالصدفة كانت حاضرة المناقشة دي
لقيتها بتقوللي أنا سمعت إن الراجل لو قال لمراته ماتصليش
ربنا مايزعلش منه ولا يحاسبه .. وهي المفروض تطيعه (!!)
رغم إنها كتير أوي بتذهلني بجهلها وعدم وعيها بحاجات كتير
إلا إني المرة دي ازبهليت بجد
أد كده فيه جهل في بلدنا .. وناس عايشة تحت الصفر؟
أنا عارفة كويس أوي إن العيب مش عليهم ..
العيب على اللي سابهم بقوا كده
ربنا يجازي اللي كان السبب
يمهــل .. ولا يهمــل
8 comments:
علي فكره في ناس كتيييييييير كده وغلابه اوي
في حاجات لما بسمعها بيصعب عليا الناس دول اوي لأني بحس انهم مساكين جدا ومايعرفوش اي حاجه
بس انتي قلتي ان العيب علي اللي سابهم كده
ومثال الصلاه ده انا سمعت حاجات أفظع منه بكتيييييير
أنا ما أقدرش أزعل نمك يا جميل (:
ربنا ما يجيب زعل
وخدي من ده كتير اوووووووووي
الناس اللي في الحتت النائية اللي متعرفش أبسط الاساسيات عن دينها ولا الحلال ولا الحرام مين هيتحاسب عنها؟
انا السؤال ده سألته ألف مرة
المشكلة انهم مؤمنين بالجهل ده
يعنى لو جيتي قولتي لحد فيهم
لأ ده غلط وكده ولا بالدموع
حتى اللى مفترض انهم مثقفين يعنى متعلمين وف المدارس وانا شوفت من ناس صحابي
حتى مبيعرفوش الوضوء ازاى
يعنى حاجات بجد غريبة
ربنا يعافينا من الجهل
Esraa :
أما تبقي عارفة بوجودهم حاجة
و أما تحتكي بيهم و تتعاملي معاهم حاجة تانية
بجد حقيقة تصدم
ربنا يعافينا .. ويقدرنا ونقدر نعمل حاجة
دينــا :
آمين يارب
ماشي ياستي .. أنا قلبي أبيض و بينسى بسرعة :)
تسنيم :
مش عارفة ليه أما شوفت سؤالك افتكرت كلمة سيدنا عمر :
"اذا تعثرت بغلة فى العراق لسئل عنها عمر لماذا لما أمهد لها الطريق ؟" .. أو كما قال
و لا تعليق...!!!
حمامة :
اللهم آمين
يا بنتي دا يُعتبر تراث بالنسبة لهم (و في الآخر دول اسمهم جهلة ومالقوش حد يعلمهم)
الدور و الباقي على المتعلمين .. اللي المفروض إنهم على أقل تقدير دخلوا مدارس ..و درسوا في ابتدائي الأساسيات في كل حاجة .. و أولها الدين
ضيفي على كده بأه البيت .. اللي _في حالتهم دي_ قلته أحسن بالنسبة لهم
الحمد لله بجد .. الحمد لله
Post a Comment