إحســاس غريب مسيطر عليا من فترة
نفســي أروح رحـلـــة
مش خروجة ... لأ ...
رحـلـــــــة ... و في أتوبيس ...
أبقى عارفة ميعادها و مكانها قبلها بأسبوع ع الأقل
و أفضل أحضّر نفسي و أجهّز لبسي .. و الكاميرا و الأفلام
أخطط مع أصحابي هانعمل ايه وهانتقابل ازاي و امتى وفين؟
نتجمع الصبح .. ناس تيجي بدري .. و ناس تتأخر
يتحرك الاتوبيس .. نفضل ساكتين شوية كده
و بعدين نبدأ نتكلم .. و نهرج .. و نضحك .. صوتنا يعلى
ناس تبقى لسه مش فايقة .. نغلّس عليها
جو البهجة ينتشر في الأتوبيس كله
نوصل المكان المحدد .. و نبدأ ننتشر .. و ننطلق
و نقضي اليوم كله انطلاق و فرفشة و رغي و ضحك و تصوير ووووو...
و ننسى الدنيا و ما فيها
و يخلص اليوم .. و نرجع مهدودين .. بس فرحانين
و نقول الله .. كان يوم جميل .. من عمرنا
مرّ بسرعة .. بس اتبسطنا .. و بجد فرق معانا
....................................
مش بس عشان محتاجة أغير جـو
مفتقدة أوي إحساس الانتمـــاء لمكان مــا
وحشني إحساس وجودي في مكان _أيا كان_ وسط أصحابي
ناس بحبهم .. ناس في سني .. حتى لو ماكنتش أعرفهم كلهم
المهم أكون وسطهم ..
ياااااااااه .. ياااااه
مفتقدة أووووووووي الإحساس ده
..................................
يارب .. أنا مش طمّاعة و ماقولتش نفسي أروح معسكر
كل اللي بتمنــاه دلوقتي
رحــلــــــــــــــــة .. و لـو ليــــــوم واحد بــس
16 comments:
كنت لسه بقول لأصحابي اني نفسي نطلع رحله بقي
(:
تعرفي ان انا عمري ماطلعت رحلة مع حد من سني ابدا
لو طلعتي الرحلة دي..خديني معاكي ومتنسنيش :)
على فكرة الرحلات بعد ماخلصنا كليات وبقينا بنشتغل ليها طعم تاني خالص.. حلو مسكر :)
الله
ياريت
انا مطلعتش رحلات كتير
يعنى مرات معدودوة
نفسى انا كمان اطلع رحلة مع ناس بحبهم وانا اللى مختاراهم مش مفروضين عليا
لو رحتى خدينا كلنا معاكى
:)
خدينى معاكى الله يخيلكى
فعلا الواحد
نفسه يسافر
يغير مناظر يعيش
حزينه
بجد مش عارفة اقولك ايه..بس مكنتش مصدقة لما قالولي اننا طالعين رحلة يوم السبت :)
انتي اكيد فيكي حاجة لله..تعالي معايا :)
Esraa :
لو انتي لسه في كلية ماتضيعيش الفرصة وروحي ..
و الله أنا بندم على الرحلات اللي اتدلعنا فيها أيام الكلية و اتبطرنا
لأ مش وقته .. و لأ المكان مش مناسب .. ولأ مش هاطلع مع الناس دي
حتى لو كنتي خلصتي و لقيتي رحلة .. جو اهيييييييد
بيســوووو :
:D أمال بتطلعي مع مين؟ جدو وتيته؟
رحلة ايه بس يا بنتي.. دانا عايزة اللي ياخدني معاه
تـوتـا :
مادوقتش طعمها من بعد ما خلصت
وأتمـــــــنى :)
حمامة :
طب مانا لو رحت وأخدتك معايا هافرض عليكي ناس ماتعرفيهمش
بصي عشان ماتضايقيش منهم خليكي هنا و هابقى أخدك المرة الجاية لوحدك
:P
على فكرة .. أنا نفسي أشوفك بجد :)
حزينة :
هههههههههههه
يا بنتي هو أنا لاقية حد ياخدني معاه أما هاخدكم معايا؟
لو لقيتي انتي رحلة .. خديني معاكي .. انشاللا حتى في الشنطة
نورتيني .. و مستنية رحلتك
;)
بيسوووووووو :
ماليش دعوة .. أنا جااااااااي
والله فرحتيني بجد إنك رايحة
تروحي و ترجعي بألف سلامة :)
و ابقي اتبسطي لي شوية معاكي
;)
ربنا ما يحرمني منك يا جميلة
وانتي طيبة يا رب (:
بجد لو حصلت المعجزة وروحت اي رحلة قريب هقوللك
دندونة :
ربنا يكرمك .. ومايحرمك من أي حد بتحبيه :)
أوك .. و أنا في انتظار المعجزة
;)
Post a Comment