Sunday, March 31, 2013

حقيقة 8



 فيه ناس معينة

بتتحط في طريقك

في وقت معين

بس عشان

توصّل لك رسايل معينة

مبعوتة عن طريقهم
 
و بمجرد ما توصل لك الأمانة

الناس دي بتختفى

كأنها ماتوجدتش أصلا




Monday, March 18, 2013

مفارقة


  
مش عارفة ليه

 كل ما أشوف 

حمامة 

طايرة لوحدها

بعيد عن السرب

 بحسّ بالوَنَـس




Thursday, March 7, 2013

نقطة نــور



 إني أفضل على مدار يوم كامل أردد جوايا

"محتاجة أشوف الحلم بالألوان"

لحد ما أروح في النوم و أنا برددها

ف أصحى تاني يوم

أشوف بروڨة حقيقية ع "الحلم بالألوان" ـ

و أقول لنفسي

مسيرها تظبط..و ماتبقاش مجرد بروڨة

:)