Thursday, August 30, 2012

Thursday, August 23, 2012

حقيقة 4


أنا مايهمنيش

أد ايه بيحبوني..وأد ايه مش بيحبوني

اللي يهمني بجد

اللي بيحبوني..بيحبوني أد ايــه

بس كده






Friday, August 17, 2012

فرح ريهام


يوم فرحك

مش هاصوّرك بكاميرا ولا بموبايل

أنا هاصوّرك بعينيا

و أطبع الصورة في قلبي

عشان أفضل فاكرة شكلك وانتي عروسة

طول الوقت

عشان مهما حصل بعد كده

ليا أو ليكي

نفضل نفتكر إن ده في يوم من الأيام

كان حلم شبه مستحيل..و اتحقق

يوم فرحك

هايفضل لي طاقة نور

تديني أمل

و تنوّر لي عتمة كل اللي فات

واللي لسه هاييجي

.
.

ربنا يسعدك و يفرح قلبك

و يحلّي أيامك كلها
و يريح بالك ويهدّي سرك

و يعوضك خير عن كل اللي فات

يا أعز و أغلى الناس





Thursday, August 9, 2012

Wednesday, August 1, 2012

و كفى بها نعمة


كل ما أشوف كمّ الرجالة اللي ماليين القهاوي

في وقت صلاة التراويح

و أفتكر كمية الناس اللي راشقين أدّام التليفزيون

من بعد الفطار لحد السحور/النوم

و كمية الناس اللي "قادرين" يصلوا قيام ومش بيصلوا

و الناس اللي مابتصليش الفروض أصلا (!!)

و الناس اللي بتجاهر بالفطار في نهار رمضان

و غير المسلمين و الملحدين

و كـــل البشر اللي _حقا وصدقا_ محرومين من نعمة الإسلام

أقول الحمد لله الذي عافانا

.
.

"الْحَمْدُ لِلَّهِ الَّذِي هَدَانَا لِهَذَا وَمَا كُنَّا لِنَهْتَدِيَ لَوْلا أَنْ هَدَانَا الله"

.
.

اللهم لك الحمُد حتى ترضى

ولك الحمدُ إذا رضيتَ

ولك الحمدُ بعد الرضا

ولك الحمدُ أبـدًا أبـدا