قـرار 1

أولا: مش هاختم المصحف أكتر من مرة رمضان ده..

و غالبا مش هاختمه أصلا..

لأني مش هاقرأ "وخلاص"..

مش هافوّت آية غير أما أعقلها وأتدبرها

"أَفَلا يَتَدَبَّرُونَ الْقُرْآنَ أَمْ عَلَى قُلُوبٍ أَقْفَالُهَا"

و الآية اللي هاتقع مني..أو هاسرح فيها..

هاعيدها تاني..إنشاللا أعيدها 20 مرة..!

المهم أفهم ايه اللي بقراه..

وبعدين أنا طمعانة إن ده يكون ثوابه أكبر

من إني أختم مرتين أو تلاتة..

و أنا مش عارفة قيمة الكلمة الواحدة اللي بتعدي عليا..!

.
.

ثانيا: أنا كمان مش هاصلّي كتير

بس هاصلّي كويس..كويس أوي

"يا أَيُّهَا الَّذِينَ آمَنُواْ لاَ تَقْرَبُواْ الصَّلاةَ وَأَنتُمْ سُكَارَى حَتَّىَ تَعْلَمُواْ مَا تَقُولُونَ"

حَتَّىَ تَعْلَمُواْ مَا تَقُولُونَ

حَتَّىَ تَعْلَمُواْ مَا تَقُولُونَ

.
.
.

يارب قوّيني وساعدني

أنا عايزة فعلا أعبدك بحق

قرارات ما بعد العمرة

بما إنها

"عُمرة..ومن أول السطر"

فـ أنا أخدت شوية قرارات مصيرية كده

ربنا يعينني على تنفيذها

و _إن شاء الله_ هانزّلهم تِباعًا في بوستات

.
.

بسم الله

نورٌ على نور

ـ"إِنَّ أَوَّلَ بَيْتٍ وُضِعَ لِلنَّاسِ لَلَّذِي بِبَكَّةَ مُبَارَكًا وَهُدًى لِّلْعَالَمِينَ"

.
.
.

قبل ما أروح العُمرة

كنت فاكرة إني بعرف أصيغ إحساسي بشوية كلمات

لكن أول ما وصلت لـ "مكة" تحديدًا

اكتشفت إن فيه حاجات معينة ماينفعش تتوصف..

حاجات ماينفعش تتحكي..

ماينفعش غير إنها تتحس في وقتها..

و تتشاف في مكانها "رأي العين"

.
.
.

المكان ده بجد "حتة من الجنة"

بالمعنى الحرفي للجملة..

مش ممكن يكون ع الأرض دي..

في الكوكب ده..

في المجرّة دي..

في "الدنيا" دي..

مكان كده

.
.
.

لو لم أكن قاهريـًا..لوددتُ أن أكون مكّيـًا

.
.
.

* الصورة من تصويري

بتاريخ 31/07/2011

بيـدِكَ الخـَـير

اللهم لك الحمد

كما ينبغي لجلال وجهك و لعظيم سلطانك

.
.

اللهم لك الحمد حتى ترضى..

و لك الحمد إذا رضيتَ..

و لك الحمد بعد الرضـا..

و لك الحمد أبدًا أبدًا

.
.

اللهم لك الحمد

عدد ما كان..و ما يكون..و ما سيكون

و عدد الحركات و عدد السكون

.
.

اللهم لك الحمد

حمدًا كثيرًا طيبًا طاهرًا مباركًا فيه..

ملء السماوات..و ملء الأرض..و ملء ما بينهما..

و ملء ما شئت يارب من شيء بعد

.
.

الحمد لله الذي بنعمته تتم الصالحات

.
.
.
.
.

P. S.

كل سنة و انتم طيبين

و رمضان كريم

و اللهُ _فعلا_ أكرم

:)