Wednesday, December 23, 2009

Monday, December 21, 2009


بقالي أكتر من 5 أيام بحاول أكتب و مش عارفة

مش عارفة أشرح الموضوع نفسه وللا أعلق عليه

وللا أعبّر عن امتناني الشديييييد ليه وحكمته وكرمه

عموما مش هادخل في تفاصيل _رغم أهميتها_ عشان......

مش عارفة بردو عشان ايه؟!!

فضلت أكتر من أسبوعين عندي إحساس رهيب بالقهر والظلم وقلة الحيلة

رغم إيماني الشديييييد وثقتي الكاملة في حِـلمه وعدله ورحمته

ماكانش أدامي غير الدعاء... هما دعوتين ألحّيت عليهم في صلاتي

1- اللهم مَن أراد بي سوءًا فردّ كيده في نحرِه

2- اللهم اهدِني ويسّر الهدى إليّ..وانصرني يارب على من بغى عليّ

و أنا بدعي ماكانش في بالي غير حد معين كنت متأكدة من سوء نيته ناحيتي

لكن استجابة الدعاء كشفت لي حد تاني ماكانش في بالي نهاااااائي

واللي صدمني _ولسه مأثّر فيا لحد دلوقتي_ هو فعلا رد الفعل


ماتخيلتش إنه عشان حقي يرجع لي لازم الدنيا كلها تولع بالشكل ده

ربنا ردّ كيدهم في بعض..حد متخيل ازاي؟!

----------> كـــــــده <----------

و أنا اللي كنت مكان "كــده"..و ربي خرّجني سليمة :)

أنا طبعا مش مبسوطة أبدا إن المسائل توصل للمرحلة دي

لكن مبسوطة إن الغشاوة اللي كانت على عيني اتشالت..

ومبسوطة أكتر إن حقي رجع لي عن طريقـه

و ارتحت أكتر أما حسيت إن دعواتي "لسه فيه منها أمـل" :)

*************************

* نصيحة لابد منهــا : إيـــــــــــاك ودعــوة المظلــوم!!*

*************************
اللهم لك الحمــد حتى ترضى

و لك الحمــد إذا رضـــيت

و لك الحمـــد بعد الرضـــا

:)




Sunday, December 20, 2009


حتى الكلام من الخوف.. هربانة منه حروف!

حتى القلم مكسوف.. مش لاقي حد معاه..!!





ء

Saturday, December 5, 2009


دا لولا فينــا صَـــبر..

لهــــان علينــــا العُـــــــمر





Tuesday, December 1, 2009

قـَــدَر


قـريبين و.... بُـعـــاد

و

بعــــيد و.... قـريبين
.
.
.
.
و

بينهم أنــا حـــايـرة





Monday, November 30, 2009


قولولنا يا نُصـّــاح

مين في الحياة مرتاح؟!


حتى الحمام اللي طااااااير

عنده تعب في الجنــاح




Saturday, October 10, 2009

ساعات


أحـس أد ايـــه وحــيدة

و أد ايــه الكلمــة في لسـاني

ماهيش جديدة!

و أد ايــــه مانيش سعــــيدة

و إن النجــوم..بعــــــــــيدة
.
.
و تـقــــيلة خطــوة الزمن..

تقـــــيلة دقــة الساعات..

ســاعــات..ســاعــات




Thursday, October 8, 2009

غــربــة


لوحدى..

وامشى وحدى ع الجسور

طيرة..هاجة م الطيور

طيرة..هربانة بجناحها

هاجة م الطير فى الطابور.


***
أترمى..وارقص ..وأبكى


واترعش..وانزف..وأدور

واتملى بهوا البحور.

***
يا سلااام لو يتوه منى مكانى

كل ما أخرج منه للتانى

يتوه الأولانى..!!

***
نص نايم..نص صاحى

أمشى فى اطراف الضواحى

من ورا نخل الكفور.

***
لا صباع شافنى وشاور

ولا ناس..بيا..تشور

وحدى .. ما يخبر عليا

غير غبار الخطوة

غير صوت العبور

زى مافى ريح الدروب..

ريحة الكافور

هربانة من شجر الكافور..!!

***
يا سلاااااااااااااام

لو يتوه منى مكانى

كل ما اخرج من مكان

مارجعش تانى..

.................................................

* الخـــال



Saturday, October 3, 2009

ابتهـــــال


يارب

يا عالم الأسرار..

و أخفى من السر تعلم.. كــل شئ عني

و أكتر من علمي تعلم.. كــل شئ عني

يارب

يارب يا ستار

العبد طمـّـاع في عفوك

يا عظيم الذات

سترك.. وحلمك.. ولطفك غاية الغايات

يارب يا غفار

اغفر لأمة مُحمد.. سيد الكونين


ارحمنا.. ارحم عبادك


يا أرحم الراحمين

ياااااااارب


Sunday, August 16, 2009

آمـــــــنـت


صــدّقت .. بل آمــــنت

إن فيه أيام حلوة لسه ماتعاشتش

و ربنا شايلها لوقتها

بس _دائماً و أبداً_ احنا اللي مستعجلين

مش هاكذب و أقول إني مش مستنياها

بس اتعلمت إني ماستعجلش.. عشان

خــلاص.. الرسـالة وصــــــــلت

"و مـســــــــير الضـي لوحده.. هايلمــع"

بـإذن الله.. وحــده

:)




Monday, June 22, 2009

مـولـود



مولود أنـا

ماعرفش اعيش متكتف

والدنيا ياما وياما

واهي لسه بتحدف

أفرح

واغني

واعشق وانجرح

وبيصعب علي

لا ضحكتي مصنوعة

ولا دمعتي بإديا

واهو كلنا غرقانين

وكلنا.. بنأدف

...............................................

علي سلامة




Sunday, June 21, 2009

معـادلـة


مدونتي ----> أنــا (1)

مدونتي ----> وحشتني (2)

(1) + (2) ----> .....؟؟



Saturday, April 25, 2009

نــصيحة


قال لـك فرفشة طـول يومـك

ماتأجلهاش للغــــد..!!

(;




ء

Sunday, April 19, 2009


أنـا ببكـي من الغربــة..

لا من عطـش ولا جـوع





Saturday, April 18, 2009


بضـحـــك عشـــان بـخـــاف عينــيـا يـدمعـــوا






Wednesday, April 15, 2009

إلــى أمــــي



يـا جـَــبـَــل مـا يــهزّك ريـْـــــح






Thursday, March 19, 2009

تـا..تـا



ما صدقتش عينيا أما شوفتك ماشي لوحدك :)

و عينيا _بجد_ دمعت من الفرحة

حسيت بإنجــاز كبير أوي

رغم إني كنت عارفة إنه أكيد كان هايحصل في يوم ما

:Dشئ بديهي يعني!!

بس أما شوفت بعيني كان احساس تاني

كنت لسه من كام يوم بسأل ماما :

هو أنا امتى هادخل الأوضة جوه و ألاقي كوكو ماشي_لوحده_ ورايا

و بيدق على الباب بإيده؟

قالتلي ماتستعجليش .. ده خلاص قرب أوي

امبارح كنت بصلي _بردو جوه في أوضتي_ لقيته دخل و قعد جنبي على المصلية

وفضل يبصلي .. ويمسك في ايدي و في الاسدال

بقيت خلاص ماسكة نفسي بالعافية عشان مابتسمش

فيه حد بيصلّي و هو مبتسم؟ :)

أنا مش مصدقة إن فيه حد في الدنيا دي بيحبني كل الحب ده

و متعلق بيا للدرجة دي.. أو على الأقل محسسني بده!!

كــوكــو
:

انت أحلى حاجة في الدنيا

أنا بحبـك أد الدنيــا كلـها

ربنا يحفظك و يديمك لينا بسمة وفرحة ...

وليـا أنا.. أمـــل :)

....................................

كلمــة أخيرة :

شكــراً



Friday, February 27, 2009

حـــذارِ


ع الصبح صحـّـاني صوت طائر رخيم و نبيل

أنشد عليـّــا نغـَـم تـامّ المقام.. و جمـــيل

طـِمـِعْت.. فـَـزّيـت أشوفـه و أفتـح الشبّــاك

خـِـرِس الغـُـنــا و فـَــلّ طيري و فـات فـؤادي قتـيل..!!

,,,,,,,,,,,,,,,,,,,,,

"
طَـمَــع الوِصــال عادةً مـا بيخرِس المواويــل"

,,,,,,,,,,,,,,,,,,,,,,,,,,,,,,,,,,,,,,,,,,,,


سمير عبد الباقي
- الدستور





Saturday, February 21, 2009



أنــا محتــاجــة لمـســة سحــريــة






Wednesday, February 18, 2009

طفح الكيل - 2




وَيْلٌ لِّكُلِّ هُمَزَةٍ لُّمَزَةٍ (1) الَّذِي جَمَعَ مَالا وَعَدَّدَهُ (2)
يَحْسَبُ أَنَّ مَالَهُ أَخْلَدَهُ (3) كَلاَّ لَيُنبَذَنَّ فِي الْحُطَمَةِ (4)
وَمَا أَدْرَاكَ مَا الْحُطَمَةُ (5) نَارُ اللَّهِ الْمُوقَدَةُ (6)
الَّتِي تَطَّلِعُ عَلَى الأَفْئِدَةِ (7) إِنَّهَا عَلَيْهِم مُّؤْصَدَةٌ (8)

فِي عَمَدٍ مُّمَدَّدَةٍ (9)

كل ما أصلّي بالسورة دي .. محدش بييجي في بالي غيرك

قاعد بتعمل حساب لكل حاجة حواليك

إلا حاجة واحدة .. مع إنها أهم حاجة

إنك في يوم .. لازم هاتموت

هاتموت و تسيب كل حاجة

كل حاجة .. بما فيهم "مالك"

مالك اللي بتحارب و بتصارع كل الناس عشانه

مالك اللي حسّسك إنك هاتعيش للأبد

مالك اللي صوّرلك إنك ملكت الدنيا كلها

و خيّـل لك إن كل الناس اللي تحتك .. عبيدك!!

مالك اللي خلاك تنسى إن فيه حاجة في الدنيا اسمها مبادئ

و حاجة تانية اسمها ضمير.. "ضمير حـُــر".. مش مطّاط..!!

.........................

على فكرة

أنا مش عارفة أحدد _حتى لنفسي_ اذا كنت بحبك وللا بكرهك

و اذا كنت هازعل فعلا عليك يوم ما تموت .. وللا ...

و اذا كنت في يوم من الأيام هافتكرلك حاجة "عدلة" عملتها معايا .. وللا ...

الله أعلم !! .. القلوب دي مالناش تصرُّف فيها

........................................

ربـّــي .. بفضلك نجحت في امتحان الضمير

أرجوك .. ثـبّـتني






Sunday, February 1, 2009

شكــــرًا


بقالي قرررررن من الزمن مانمتش مبسوطة و راضية

زي امبارح

مش فاكرة امتى كانت آخر مرة نمت و أنا مبتسمة

امبارح بس نمت مبتسمة

ايوه مبتسمة .. تخيل نفسك نايم و انت مبتسم كده؟ :)

متخيل إحساسك؟ :)

فجأة لقيت نفسي بدندن بــ :

"
الفرح شاطر والحزن شاطر

والبحر غادر وبقوله حاضر

وأنا لسه قااااادر فى الحزن أفــرح

هييييييييه
"

حبيت بس أفكّر نفسي بالناس اللي ليها الفضل في رسم الابتسامة دي

كمان حبيت أقولهم .. شكــرًا

حتى لو ماكنتش ناوية أذكر أسمائهم

:)





Saturday, January 24, 2009

Saturday, January 17, 2009

يـارب



فَـدَعَــا رَبَّــهُ أَنِّـــي مَغْـــــلُوبٌ فَـانتَصِــــــرْ







Sunday, January 4, 2009

"كلمــة سـِــر"



أنـا عطشانـة ... عطشــانـة أوي
.
...
.....
.......
..........
...............
......................


و ياريت العطش كان بس احتياج للميـّـه