ـ"الحلم كان بيشدّني

بنيته لكن..هدّني"

.
.

زلزال..هو كان زلزال

و كل اللي حصل بعديه..كان توابع ليه..!

و زي ما الزلزال ده بيهدّ..

أكيد بتيجي بعديه مرحلة البُنا..

بس شرط أساسي..يكون البُنا ده على نضافة..!

فـ الطبيعي إن أنقاض الهَدد دي لازم تترفع..

و آثار الدمار دي لازم تختفي..

.
.
.

لكن تترفع ازاي وتختفي فين وامتى؟

هي دي بأه المُعضلة..!
ـ

عادي بأه

مش حاجة سهلة أبدا

أما لسانك يتعود على دعاء معين لمدة شهور

في السجود..ساعة المطر..

ساعة خلوة بينك وبين ربك..

وبين يوم وليلة تبقى مضطر تعوّده على دعاء تاني

لإن خلاص..الأول ماعادش ينفع

بقى غير مُجدي..!

.
.
.

بس معلش..بكرة يتعود

أصل هي الدنيا كده

مش كل اللي بنتعود عليه بنبقى عايزينه

ولا كل اللي بنعوزه بنلاقيه..ونتعود عليه

Oh Allah!

I wanna deactivate my account in the Life too!

Please God,

Just ONE wish..!

I will be ok,

if only you go away FOREVER!

Just go,

leave,

DISAPPEAR..!

يا الله

ـ"وَأَصْبَحَ فُؤَادُ أُمِّ مُوسَى فَارِغًا

إِن كَادَتْ لَتُبْدِي بِهِ لَوْلا أَن رَّبَطْنَا عَلَى قَلْبِهَا

لِتَكُونَ مِنَ الْمُؤْمِنِينَ"

.
.
.

سورة القَصـص

الآية 10

محتاجة يُغمى عليا

حرام دي كمان؟

وللا _بردو_ كتير عليا؟

Please God,

Please!

يوم ألتقي مَرْسَى

و سنين ياخدني الطيش

.
.
.

الهَويس

من ضمن كلام كتير 1

ـ"ماتشدّنيش من شَعري يا عصفور

أنا مش هاطـير..!"

.
.
.

بهـاء چاهـين

....................................................

ماينفعش أبقى بقولك:

"إني مابعرفش أطير..لوحدي..

بخاف أطير..وماليش جناحات"

تيجي تقول لي:

"ماتخافيش..هاعلّمك الطيران..

هاكون جناحاتك..وهاطير معاكي"

ويدوب تطلّعني السما

وفجأة ألاقيني لوحدي فوق..

لوحدي..من غير جناحات..ومابعرفش أطير..!

يعني ايه تسيبني في السما لوحدي؟

و أنا لسه مابعرفش أطير..

وماليش جناحات؟

طب كنت سبتني لوحدي..ع الأرض

لوحدي لوحدي..بس ع الأرض..!

لكن كده حرام

حرام بجد..حرام..!
ـ

ناقصني حد

حاسة إني زي العيال الصغيرين

محتاجة حد يقعّدني على رجله

حد أغطس في حضنه..أغطس "مابانش"..

وأعيط براحتي..براحتي أوي

ويطبطب عليا

ويقول لي:

- معلش..الـ"واوا" هاتخفّ

معلش..هاتبقي كويسة..!

و أنا عندي استعداد أصدّقه

وأبطّل عياط

تمام زي الصغيرين

مع إن الـ"واوا" بتاعتي كبيرة أوي

مش زي بتاعت الصغيرين

ألف ليه..وليه؟

عندي استعداد كبير

"أحاول" أنسى

.
.
.

بس أفهم الأول

كــل ده كان ليه؟

أنا فزعانة

عارف أما يبقى نبْضك جامد أوي

لدرجة إنك حاسس بيه في دماغك؟

بلاش دي..!

طب عارف أما يبقى قلبك بيدق جامد أوي؟

مش بيدق بسرعة..لأ

بيدق بعنف..بيدق بقوة

قوة بتهزّ نص جسمك اللي فوق كله..

أما تبقى قاعد ثابت..وشايف جسمك بيترجّ لوحده؟!!!

دا بالظبط اللي بيحصل لي

حاسة إن جسمي نفسه مش مستحمل

اللي قلبي حاسُّه

وعقلي مش قادر يستوعبه..!

..................................................

* العنوان: اسم أغنية لفيروز

لا أسمع

،

لا أرى

،

لا أتكلم

، ، ، ،

فقـط

أمارس فِعـل الحياة

القميئ

.
.
.

و لا أزال في انتظــاره

ساعة المطر

النهارده

ساعة المطر

تحت المطر

لساني _بعجزه_ قال يارب

عينيا _بدموعها_ قالت يارب

عقلي _بجنونه_ قال يارب

قلبي _بـ "وجعه"_ قال يارب

روحي _ببردها_ قالت يارب

كـل حاجة فيا قالت "يارب"

.
.
.

يارب بأه

يارب..!
ـ

وحــدُه

الليلُ

لا يتَّسِعُ

لأرَقي

.
.

البكاءُ

لا يتَّسِعُ

لدمعي

.
.

أصدقائي

لا يتَّسِعونَ

لي

.
.

وحدُهُ المــوتُ

يتَّسِــع

.......................................

سوزان عليوان