ـ"ماتشدّنيش من شَعري يا عصفور
أنا مش هاطـير..!"
.
.
.
بهـاء چاهـين
....................................................
ماينفعش أبقى بقولك:
"إني مابعرفش أطير..لوحدي..
بخاف أطير..وماليش جناحات"
تيجي تقول لي:
"ماتخافيش..هاعلّمك الطيران..
هاكون جناحاتك..وهاطير معاكي"
ويدوب تطلّعني السما
وفجأة ألاقيني لوحدي فوق..
لوحدي..من غير جناحات..ومابعرفش أطير..!
يعني ايه تسيبني في السما لوحدي؟
و أنا لسه مابعرفش أطير..
وماليش جناحات؟
طب كنت سبتني لوحدي..ع الأرض
لوحدي لوحدي..بس ع الأرض..!
لكن كده حرام
حرام بجد..حرام..!
ـ
