ايه المشكلة يعني أما أصاحب واحدة متشردة؟
هتاكل مني حتة مثلا؟!
وللا يعني هي مش بني آدمة؟!!
و بعدين مانا كل أصحابي ولاد ناس و متربيين و من بيوت كويسة
فيها ايه بأه أما أصاحب واحدة من نوع تاني و طبقة تانية خالص
يمكن ناس كتير مننا ماتعرفش أصلا إنها عايشة معانا في نفس المجتمع
أهو تغيير .. التغيير مطلوب بردو
وبعدين هي عجباني .. كلها على بعضها كده عجباني
حتي لو متشردة .. بس داخلة دماغي
أنا حرة بأه
هتاكل مني حتة مثلا؟!
وللا يعني هي مش بني آدمة؟!!
و بعدين مانا كل أصحابي ولاد ناس و متربيين و من بيوت كويسة
فيها ايه بأه أما أصاحب واحدة من نوع تاني و طبقة تانية خالص
يمكن ناس كتير مننا ماتعرفش أصلا إنها عايشة معانا في نفس المجتمع
أهو تغيير .. التغيير مطلوب بردو
وبعدين هي عجباني .. كلها على بعضها كده عجباني
حتي لو متشردة .. بس داخلة دماغي
أنا حرة بأه
7 comments:
ماسمهاش متشردة يا يمامة سميها مشردة صدقيني التعبير يفرق
ده أولا أما ثانيا فهو ليه انتي كمان بتبصيلها زي الناس اللي انتي بتلومي عليهم,, ليه شايفاها أقل من أصحابك ولاد الناس الكويسين المتربين معنى كده انها عكسهم
هيا نوع أخر وبس مرت بظروف مختلفة عن ظروفك أو ظروفك أصحابك وبس لكن لا هيا أقل ولا أعلى هيا نتاج ظروف معينة حكمت عليها بكده وكانت ممكن الظروف دي تختارني انا أو انتي علشان نكون نتاجها
بصى زى ما انت قلتى نوع تانى تفكير تانى اسلوب تانى ليها خبراتك غيرك حتفيدك اكيد بالاحتكاك بيها استمرى
مش فاهمة يعنى ايه متشردة , هدومها مقطعة يعنى وشعرها منعكش ؟؟؟؟؟ وبتنام فى الشارع, دى جبتيها منين اصلا؟؟؟؟؟ , انا مش بانتقد التصرف بس باستغربه بكل المقاييس, لأن دا المعنى الوحيد اللى فى دماغى عن كلمة متشردة
دلوقتي سيادتك قافلة التعليق على البوست الجديد ليييييييييييييه؟؟
بصي يا يمامة أنا عارفة الإحساس ده موت وعارفة كمان مصطلح أنا كويسة ده وأول ما قريت العنوان تخيلت حالك أصل أنا تقريبا اللي اخترعته بس كنت بزود عليه أنا زي الفل :)
ادي لنفسك فرصتها انها تفضفض وتعيط وبعدين هتهدى صدقيني ده أحسن بكتير من كتم العياط جواكي وان دموعك تنشف
محبتي
تسنيم :
التعليق الأول :
لأ .. أنا قاصدة كلمة متشردة بمعناها ..هي مش مشردة ولا حاجة .. ليها مكان تنام فيه و ليها أسرة.. بس هي فعلا مرت بظروف معينة أثرت في تربيتها و شخصيتها و طريقة تفكيرها .. كل ده خلاها مختلفة..
بس أنا بجد ماقصدش أقول إنها أقل ولا حاجة
بالعكس و الله أنا بحبها جدا
-------------------
* التعليق التاني :
قافلة التعليق عشان ماكنتش عايزة مواساة .. كنت هاتعب أكتر لو كان حد علق
عموماً أنا بقيت كويسة الحمد لله .. كويسة جدا
فعلا مش عارفة أقولك ايه .. ربنا يكرمك يا تسنيم .. انتي جميلة بجد
(:
رئيس جمهورية نفسه :
تمام كده .. دماغ تانية و خبرات مختلفة .. و ده بالظبط اللي أقصده
على فكرة أنا بزور مدونتك باستمرار .. لكن كالعادة بخرج في هدوء
:)
زي الهوا :
لا يا سماح .. مش ده قصدي .. اقري تعليقي على كلام تسنيم هاتعرفي أقصد ايه
هي مش من أولاد الشوارع ولا حاجة
لو عرفتي التفاصيل الصغيرة .. مش هاتستغربي ولا حاجة :)
Post a Comment