أما تتحط في موضع اختيار ما بين :
"مبادئك و أخلاقك و قناعاتك الشخصية
و كل صفة حلوة اتربيت عليها و عايش بيها"
&
"حقك"
تعمل ايه؟
تختار ايه؟
تتخلى عن ايه فيهم في مقابل ايه؟
تتنازل عن مبادئك .. و تبقى واحد تاني غيرك؟
طب هاتحترم نفسك ساعتها؟!!
وللا تتنازل عن حقك و تاخد على دماغك؟
مع العلم إنك لو اتنازلت مرة مش هاتقدر تطالب بيه بعد كده
و كلنا طبعا عارفين إن أي حق تتنازل عنه في وقت ما
يصبح بطبيعة الحال _اوتوماتيكيا_ حق مكتسب للغير
...............................
حاسة إني خلاص مابقتش قادرة أتعامل مع الناس
هو أنا اللي غريبة ... وللا الدنيا هي اللي بقت عجيبة؟
"مبادئك و أخلاقك و قناعاتك الشخصية
و كل صفة حلوة اتربيت عليها و عايش بيها"
&
"حقك"
تعمل ايه؟
تختار ايه؟
تتخلى عن ايه فيهم في مقابل ايه؟
تتنازل عن مبادئك .. و تبقى واحد تاني غيرك؟
طب هاتحترم نفسك ساعتها؟!!
وللا تتنازل عن حقك و تاخد على دماغك؟
مع العلم إنك لو اتنازلت مرة مش هاتقدر تطالب بيه بعد كده
و كلنا طبعا عارفين إن أي حق تتنازل عنه في وقت ما
يصبح بطبيعة الحال _اوتوماتيكيا_ حق مكتسب للغير
...............................
حاسة إني خلاص مابقتش قادرة أتعامل مع الناس
هو أنا اللي غريبة ... وللا الدنيا هي اللي بقت عجيبة؟
13 comments:
بصي يا يمامة محاولتك للحصول على حقك والدفاع عنه لا يتعارض مع ودعاتك وأخلاقك اللي اتربيتي عليها
ارجعي لبوست غضب الحمامة في مايو اللي فات عندي وانتي تعرفي أقصد ايييييه
واعرفي اننا احيانا بتنازلنا عن حقنا بنسمح للي ظلمنا أنه يظلم غيرنا ويتمادى في طغيانه وبكده نبقى شركاء له في ظلم الأخرين
محبتي
و التعارض في الكلام ده لما أطلب حقي بطريقة مش كويسه
لأن الصوت العالي يدل على ضعف الموقف
...
أنا فهمت قصدك
إنك بتقولي معنى إن إحنا مانفرطش لازم نجون عربجيه يعني
لا طبعاً
الاخلاق بتحتم ع الفرد المطالبة بحقه
السلام عليكم و رحمة لله و بركاته
لأ الدنيا هيا اللي بقت عجيبة
:)
على حسب الموقف يا بوبا
يمامة شاردة
للاسف وكل الاسف
الدنيا هي اللي بقت غريبة
وبقى اللي يحتفظ بمبادئه فيها اصبح بيتقال عليه غريب
فعلا اختيار صعب
بين عدم التخلى عن المبادئ ورفض الظلم
تقبلي مروري وتقديري
سارة
الجميلة تسنيم :
هي المشكلة إنك بتتعاملي مع ناس الأخلاق ماتنفعش معاها .. وأما تتعاملي بيها تلاقي حقك بيضيع .. ساعتها بتبقي فعلا في موضع اختيار .. و ده أصعب من المشكلة نفسها .. حقك <===> مبادئك
البوست عجبني جدا و مسّـني بجد
وجودك هنا بيسعدني بجد
:)
--------------------
Human :
عربجية!!
لأ طبعا .. مش ده قصدي .. أقصد إنك تتحط في موقف ماتعرفش تجيب حقك لو اتعاملت بأخلاق .. وفي نفس الوقت تلاقي ناس تانية _في نفس الموقف_ بتتعامل بأساليب سيئة جدا انت نفسك مستاء منها .. وعارفين ياخدوا حقهم كويس جدا .. ويمكن أكتر من حقهم كمان
أكيد هتحتار .. و بردو مش هتقدر تتنازل عن أخلاقك
أتمنى يكون المعنى _الصحيح_ وضح
شرفت حضرتك
moodysalihamidzic :
المشكلة مش في المطالبة بالحق .. مانا أكيد بطالب
الأزمة بأه .. انت بتطالب مين؟ حد طبيعي؟ سـَوي؟
-----------------------
غراب :
وعليكم السلام و رحمة الله و بركاته
أنا بقول كده بردو :)
نورت حضرتك
دينا :
اممممممم .. هو مش موقف .. هي أزمة للأسف
يمكن أبقى أحكيهالك في يوم من الأيام.. بس نتقابل :)
---------------------
سارة :
طيب يعني أنا أعمل ايه دلوقتي؟
ايه رأيك أسيب الاتنين؟ :))
نورتي يا جميلة بأول زيارة .. أتمنى ماتكونش الأخيرة
:)
والله يا يمامة انا كنت بقول كده امبارح
الناس مش عجيبة
ولا انتي غريبة
هم الناس كده طول عمرهم وهيفضلوا كده
المشكلة انك بتتعشمي زيادة فيهم
مشكلتك انتي عايزة تاخدي حقك وفي نفس الوقت ممكن يبقى فيه قصاده تنازلات
ماتتنازليش لان تمسكك بموقفك ومبادئك هيجيب حقك لحد عندك وماتحاربيش تبعا لقوانين غيرك خلي الدنيا هي اللي تلعب حسب وانينك
صاجب الحق سلطان
مش عشم خالص و الله يا شهرزاد .. أنا لو متعشمة بحاجة يبقى الحاجة دي مش حقي أصلا ومش مفروض أزعل عليها.. إنما حقي طبيعي جدا إني أبقى عايزاه و بشدة كمان
أيييييييوه بالظبط تنازلاااات في المقابل.. جبتي المفيد
ولحد قريب الموضوع كان ماشي فعلا بقوانيني أنا .. بس الأمور بدأت تتعقد .. وده اللي خلاني قلقت على حقي
بس أنا مأيداكي جدا .. خليها على الله .. إن شاء الله خير
حافظى على مبادئك , حتى لو كان صعب اوى , وحتى لو حسيتى إنك ضد التيار , زى بالظبط العيل لما يكون هيترن لو قال الحقيقة , بس ما بيكدبش علشان هوه مبدأ من مبادئه الصدق , معلشى امثلتى من الاطفال علشان دا الواقع اللى عايشة فيه
صدقيني يا سماح الموقف صعب
بس الحمد لله أنا لسه زي مانا
و هافضل بردو زي مانا
مهما حصل .. ربنا يقويني
Post a Comment