اكتشفت مؤخرا خطأ فادح في مبدأ من أساسيات حياتي
كنت دايما فاكرة إن مبدأ "أنـا سايباك لضميرك"
بيعمل عمايل .. و يسوي الهوايل
لكن للأسف _وعن تجربة_ أثبت فشل ذريع في المعاملات الإنسانية
فا نصيحة لوجه الله تعالى
اللي منكم لسه على نياته و مؤمن بصحة المبدأ ده
يحاول يفوّق نفسه من دلوقتي ..
بدل ما ياخد ضربة جامدة .. تفوّقه .. و توجعه
الظاهر الأزمة بتزيد و كل يوم تشمل قيمة جديدة في حياتنا
و العقد حباته بتنفرط حبة ورا حبة
بدايةً بالإنسانية .. مروراً بالحرية .. ثم الكرامة
و أخيراً _وليس آخراً_ الضمـــير
.......................................................
سبحان من يخلي ضميري يأنبني على حاجات
لو اتقالت لناس معينة تتوصف بإنها تافهة
سبحان من يخليني أقعد ألوم في نفسي يومين
لإن واحدة صاحبتي كلمتني و أنا في الشغل
و كنت مضغوطة جامد .. و مجرد إن صوتي كان واطي شوية وهادي
خلاها تحس إني مش عارفاها أو مش مسيّـفة رقهما!!
سبحان من يخليني أتقلب على السرير بالليل ساعتين تلاتة
و ألوم نفسي على هزاري مع صاحبتي
أقول لنفسي ماكانش المفروض أقولها كده _رغم إنه تهريج_ و هي ضحكت على كلمتي
طب ممكن تكون زعلت؟ ممكن أكون سبتها تنام زعلانة مني؟
و على الجانب الآخر
تلاقي حد _بمنتهى البساطة و اليُـسْـر_ يجور على حقك
يكذب عشان يوصل للي هو عايزه _على حسابك طبعا_
يخلف وعده معاك لمجرد إن مصلحته تتعارض مع الوعد ده
يخون أمانة أمّنتها له في يوم من الأيام .. وشددت عليه إنها أمانة
×××××××××××××
فسبحان ذي الجبروت و الملكوت و العظمة و الكبرياء
لــه فـي خَـلقـِــه شـــؤون
!!!!
كنت دايما فاكرة إن مبدأ "أنـا سايباك لضميرك"
بيعمل عمايل .. و يسوي الهوايل
لكن للأسف _وعن تجربة_ أثبت فشل ذريع في المعاملات الإنسانية
فا نصيحة لوجه الله تعالى
اللي منكم لسه على نياته و مؤمن بصحة المبدأ ده
يحاول يفوّق نفسه من دلوقتي ..
بدل ما ياخد ضربة جامدة .. تفوّقه .. و توجعه
الظاهر الأزمة بتزيد و كل يوم تشمل قيمة جديدة في حياتنا
و العقد حباته بتنفرط حبة ورا حبة
بدايةً بالإنسانية .. مروراً بالحرية .. ثم الكرامة
و أخيراً _وليس آخراً_ الضمـــير
.......................................................
سبحان من يخلي ضميري يأنبني على حاجات
لو اتقالت لناس معينة تتوصف بإنها تافهة
سبحان من يخليني أقعد ألوم في نفسي يومين
لإن واحدة صاحبتي كلمتني و أنا في الشغل
و كنت مضغوطة جامد .. و مجرد إن صوتي كان واطي شوية وهادي
خلاها تحس إني مش عارفاها أو مش مسيّـفة رقهما!!
سبحان من يخليني أتقلب على السرير بالليل ساعتين تلاتة
و ألوم نفسي على هزاري مع صاحبتي
أقول لنفسي ماكانش المفروض أقولها كده _رغم إنه تهريج_ و هي ضحكت على كلمتي
طب ممكن تكون زعلت؟ ممكن أكون سبتها تنام زعلانة مني؟
و على الجانب الآخر
تلاقي حد _بمنتهى البساطة و اليُـسْـر_ يجور على حقك
يكذب عشان يوصل للي هو عايزه _على حسابك طبعا_
يخلف وعده معاك لمجرد إن مصلحته تتعارض مع الوعد ده
يخون أمانة أمّنتها له في يوم من الأيام .. وشددت عليه إنها أمانة
×××××××××××××
فسبحان ذي الجبروت و الملكوت و العظمة و الكبرياء
لــه فـي خَـلقـِــه شـــؤون
!!!!
16 comments:
لسة مكلمة الاتنين التانين بقيتنا امبارح , حسيت انهم عجزززززززوا سبعين سنة وانهم شافوا مر من الحياة لمية سنة ادام , بس الظاهر انك هتتحطى معاهم فى الليستة , مانا مكتوب عليا اصاحب تلاتة عواجيز ( وش بيودى خده يمين وشمال) , خلاص هانت البنت اللى وراها امتحانات دى تاخد الاجازة ونشفلنا خروجة تلمنا نعيط فيها على مزاج
نسيت اقولك مبروك عليكى انى اول تعليق
بغض النظر عن اننا أصحاب.. انا بجد بحب المدونة ديه جدااااااااااا
وبجد سبحان الله اللى خلانا أصلا أصحاب :)
داس كلاين: خليكى فى حالك وروحى لمدونتك
أنا اسفة يابوبا .. قلت اهزر هنا مش أكتر. اول واخر مرة مش هكررها تانى
فعلا والله انتوا التلاتة شبه بعض , انا الوحيدة اللى غريبة عنكم سبحان الله
إلا لو بوبا دخلت عملت ديليت لكل دا , منظرنا هيبقى بطيخة بكل ماتحويه الكلمة من معانى
زي الهوا "المدخّـن" :
هاقولك ايه؟ مانتي لو بتتعاملي مع الشخصيات السايكوباتية اللي الواحد بيتعامل معاها كنتي عرفتي احنا ليه بنتغير!!
إنما انتي كل تعاملاتك مع الأطفال .. مشاكل ايه اللي هتقابليها و هم ايه اللي هتشيليه؟
كبيرك تزعلي لو مارضيوش يلاعبوكي معاهم!
وبعدين بأه انتي جاية تلعبي هنا وتبوظيلي البوست؟
.. قرف لما يبقى
آه صحيح .. ماكنتش أعرف إن البيت عندكم مليان أوي كده!! معقول لسه مافضيش لحد دلوقتي؟!!ء
ريري :
المدونة مدونتك يا حبيبتي .. عايزة تجيبي خيمة و تعسكري فيها .. اعملي اللي انتي عايزاه :))
"وش بيغيظ حد معين"
احم احم
فاكرة أول مرة اتقابلنا فيها؟
..وش مكسوووووف
تكمن المشكلة يا بوبا في أن هؤلاء الذين نراهم قد ماتت ضمائرهم لا بفهمون ما تتحدثين عنه
ومن أخبرك بأنهم ليسوا مرتاحي الضمير على العكس يا حبيبتي هملديهم القدرة لأن يدافعوا عن وجهات نظرهم وما فعلوه ولا يرون فيها أي غضاضة
فقط هم يمتلكون مفاهيم أخرى عن الأمانة والصدق غير الحقيقة التي نعرفها هم فقط يأخذون القشور ويوجهونها نحو هواهم
كوني متأكدة أنهم مرتاحو الضمير مثلي ومثلك ولا يعرفون أنهم ظلمة أو معدومي الضمير وثقي أنهم لو اشتكت ضمائرهم للحظة ما كانوا فعلوا ما فعلوه ولكن ضمائرهم تضامنت معهم وسولت لهم ما يفعلون
ذُكر في الأثر أن الظلمة والجبارين والكاذبين سيأتون يوم القيامة ليُدافعوا عن أعمالهم التي اقترفوها ويُجادلوا الله عز وجل فيها وأنهم على حق ومن سواهم باطل فهم مقتنعون بها تمام الاقتناع ولو كان يساورهم شك ما فعلوها
طب تصدقى والله اتغظت بجد , بس عارفة انه من ورا قلبك , وانك نفسك ألبد فى بلوجك طول العمر , اما بالنسبة للبيت , فالمشكلة بقت مشكلة انى خجلانة ومش عارفة اتصل اقول ايه ههههههههه , منظرى طين خالص
تسنيم :
أنا متأكدة إن ضميرهم مش بيؤلمهم ولا حاجة .. بالعكس أنا شايفة إنهم أسقطوا الضمير من حساباتهم أصلا .. فا مابقتش تفرق معاهم أي حاجة .. بيعملوا كل حاجة من غير ما تتهز فيهم شعرة ..
أنا بس ساعات بستغرب من البساطة اللي بيتعاملوا بيها!!
و آدي نعمة جديدة ربنا مديهالنا ومش حاسين بيها .. "الضمير الحي"
فلله الحمـد و المنّــة
زي الهوا :
وليه تتغاظي؟ حد كلمك أصلا؟!
عايزة أقولك "أنا سايباكي لضميرك" .. بس كده البوست مش هايبقاله معنى!!
فا هقولك .. اعملي اللي يريحك
لا اله الا الله
انتي لسه بتعاني من أزمة الضمير
ده انقرض من زمان جدًا
من ايام ما طلعت حكمة اللي اختشوا ماتوا !
بس لسه فيه ناس بتحس والله
الحمد لله على كل حال
وربنا يثبتنا عالحق وخلاص
ههههههههههههههههههه تصدقوا والله ضحكتونى وانا راجعة من الامتحان مليش نفس اساسا
والله وحشنى هزاركوا ولمتكوا والعياط سوا
سيبكوا انتوا اهم حاجة الصحبة الحلوة
كوارث :
اه .. تخيل .. عايشة لسه في العصر البائد .. أعمل ايه؟ تركيبتي كده :)
ربنا يوقعني في الناس اللي بتحس دي .. أحسن الواحد اتعقد
نورت حضرتك المدونة
الحاجة انونيموس :
تدفعي كام بأه ع الضحكة الطوييييييلة دي؟ :P
ياختي خلصي بأه .. مش عارفة امتحانات ايه الجملي دي!!
أنا كمان والله وحشتني لمتنا .. وحشتني أوي .. فاكرة الأناناساية؟
:))
نسيت أقولك نورتي البلوج بغباااااااء
زورونا تجدوا ما يسركم
.
هكلمك والله بس لما ابقى جاهزة للتهزيق بتاعك ( وش مرعوب منك )
Post a Comment