مش عاجبني حاجة ... لا شغل مرتاحة ولا اجازة مرتاحة
جوه ... قعدة البيت بتخنقني و تجيب لي اكتئاب
بره ... الأشخاص أصلا بقوا لا يُطاقوا
و المناظر في الشوارع و المترو غير محتملة
بجد بتتعبلي أعصابي
المفروض إني أشوف العيب و الغلط و الحرام و أسكت؟
طب مين هايسمع لي .. وللا مين هايسمح لي؟!!
*******************
حاسة إني بقيت كائن فضائي أقرب مني للبني آدمين
لأسباب كتييييير كتيييييير
أهونها ... أهونها بجد و بلا مبالغة
الكهربا اللي في جسمي
بتكهرب من أي حاجة عازلة مابتكهربش
بتكهرب من الأشخاص و بيتكهربوا مني
اتكهربت من محمد ... طفل ماكملش شهر ... حد يصدقها دي؟!!
قال ايه كل ده تهيؤات
أروح أكشف .. الدكتور يقوللي كهربيني ياللا .... بمزاجي أصلي
بدوس ع الزرار أكهرب و أتكهرب
و شوية يقوللي عادي ... أنا كمان بتكهرب
ماتلبسيش حاجة فيها قماش صناعي ... حاولي تلبسي أقطان
هو أنا أصلا لاقية لبس في المحلات؟
ايه اللبس المسخرة ده؟ بقى ده ينفع للخروج؟
بجد منتهى قلة الأدب !!
نفسي أعرف مين البني آدم المحترم اللي مصمم الأزياء الحشمة دي!!
يعني ينفع أنزل 4 مرات ألف على لبس و أرجع إيدي فاضية؟
خلاص هاطقّ
ايه يعني؟ كل الناس قلعت خلاص؟
طب مش هاقلع بأه !!
و هافضل ألبس في الهدوم اللي عندي إلى ما شاء الله
طب أعمل ايه؟ هاستحمل؟
أنا عارفة نفسي ... كبيري شهر كمان و خلاص هاتمرد على كل اللي عندي
دا إذا كملته !!
*********************
كل أسبوع أقول يوم الأجازة هاكلم فلانة و فلانة و فلانة
وحشوني أوي ... بقالنا كتير ماتكلمناش
و هما اللي بيسألوا عني .. و أنا مشغولة عنهم
ييجي آخر الأسبوع و ماكلمش حد
ياترى أنا فعلا مشغولة عنهم؟
وللا ماليش نفس أكلم حد ... حتى الناس اللي وحشاني؟
مابقتش عارفة مالي ... ولا عارفة أنا عايزة ايه !!
***********************
كل اللي في دماغكم الخطوبة و الجواز ... و سنين الجواز
الأسئلة البايخة السقيلة
ايه مفيش جديد؟
لسه مفيش حاجة في السكة؟
مفيش أخبار؟
و الغمز و اللمز و الذي منه :\
ايه يا بشرررررررر؟
دا أنا ماكملتش 23 سنة
و بعدين مابحبش حد يتدخل في حياتي
احترموا بأه خصوصية الناس
و اررررررررحمووووووونييييييييييي
***********************
ما ترسيلك على بر بأه!!
عايزة وللا مش عايزة؟
شوية آه نفسي و يا سلااااااام لو ده حصل
و شوية لأ .. أنا كده كويسة ... مرتاحة
مع إني لا مرتاحة ولا حاجة
و بجد منتهى الخنقة يعني!!
***********************
زعلانة مني أويييييييي .. زعلانة بجد و مش طايقاني
و مش عارفة ازاي بقيت كده؟!!
أنا بعد كده مش هاسكت لي .. و هاديني على دماغي
عشان الحال ده مش عاجبني
***********************
عارفة إنك زعلان مني .. و مكسوفة من نفسي بجد
و حزينة .. حزينة جدا :(
حاسة إني متكتفة
و مستوى الإرادة عندي دلوقتي بقى تحت الصفر
************************
نفسي أولع في البلد دي بأه .. نفسي
خلاص طهقت من اللي بيحصل ده
كل يوم بلوى جديدة ... و مصيبة كبيرة
و الناس ساكتة و خانعة و بتاخد على دماغها و تقول كمان
بجد الحكاية زادت عن حدها أوي ... فاقت كل الحدود
بلد بجد بقت عايزة تسونامي وللا نارجيس يفوقها
دا إذا فاقت كمان!!
******************************
خلاص قررت إني أقول كل اللي في نفسي بعد كده هنا
أمال أنا عاملة المدونة دي ليه؟
عشان أقعد أكتب في حاجات و أعملها درافت؟!!
طب و الناس الطيبة اللي بتحبني و تيجي تقرالي ذنبها ايه؟
مش عارفة بأه
أنا طهقانة و ملّانة جداااااااا و مخنوقة و على آخري
و مش عارفة أنا بكتب ايه دلوقتي
.سامحوني.
جوه ... قعدة البيت بتخنقني و تجيب لي اكتئاب
بره ... الأشخاص أصلا بقوا لا يُطاقوا
و المناظر في الشوارع و المترو غير محتملة
بجد بتتعبلي أعصابي
المفروض إني أشوف العيب و الغلط و الحرام و أسكت؟
طب مين هايسمع لي .. وللا مين هايسمح لي؟!!
*******************
حاسة إني بقيت كائن فضائي أقرب مني للبني آدمين
لأسباب كتييييير كتيييييير
أهونها ... أهونها بجد و بلا مبالغة
الكهربا اللي في جسمي
بتكهرب من أي حاجة عازلة مابتكهربش
بتكهرب من الأشخاص و بيتكهربوا مني
اتكهربت من محمد ... طفل ماكملش شهر ... حد يصدقها دي؟!!
قال ايه كل ده تهيؤات
أروح أكشف .. الدكتور يقوللي كهربيني ياللا .... بمزاجي أصلي
بدوس ع الزرار أكهرب و أتكهرب
و شوية يقوللي عادي ... أنا كمان بتكهرب
ماتلبسيش حاجة فيها قماش صناعي ... حاولي تلبسي أقطان
هو أنا أصلا لاقية لبس في المحلات؟
ايه اللبس المسخرة ده؟ بقى ده ينفع للخروج؟
بجد منتهى قلة الأدب !!
نفسي أعرف مين البني آدم المحترم اللي مصمم الأزياء الحشمة دي!!
يعني ينفع أنزل 4 مرات ألف على لبس و أرجع إيدي فاضية؟
خلاص هاطقّ
ايه يعني؟ كل الناس قلعت خلاص؟
طب مش هاقلع بأه !!
و هافضل ألبس في الهدوم اللي عندي إلى ما شاء الله
طب أعمل ايه؟ هاستحمل؟
أنا عارفة نفسي ... كبيري شهر كمان و خلاص هاتمرد على كل اللي عندي
دا إذا كملته !!
*********************
كل أسبوع أقول يوم الأجازة هاكلم فلانة و فلانة و فلانة
وحشوني أوي ... بقالنا كتير ماتكلمناش
و هما اللي بيسألوا عني .. و أنا مشغولة عنهم
ييجي آخر الأسبوع و ماكلمش حد
ياترى أنا فعلا مشغولة عنهم؟
وللا ماليش نفس أكلم حد ... حتى الناس اللي وحشاني؟
مابقتش عارفة مالي ... ولا عارفة أنا عايزة ايه !!
***********************
كل اللي في دماغكم الخطوبة و الجواز ... و سنين الجواز
الأسئلة البايخة السقيلة
ايه مفيش جديد؟
لسه مفيش حاجة في السكة؟
مفيش أخبار؟
و الغمز و اللمز و الذي منه :\
ايه يا بشرررررررر؟
دا أنا ماكملتش 23 سنة
و بعدين مابحبش حد يتدخل في حياتي
احترموا بأه خصوصية الناس
و اررررررررحمووووووونييييييييييي
***********************
ما ترسيلك على بر بأه!!
عايزة وللا مش عايزة؟
شوية آه نفسي و يا سلااااااام لو ده حصل
و شوية لأ .. أنا كده كويسة ... مرتاحة
مع إني لا مرتاحة ولا حاجة
و بجد منتهى الخنقة يعني!!
***********************
زعلانة مني أويييييييي .. زعلانة بجد و مش طايقاني
و مش عارفة ازاي بقيت كده؟!!
أنا بعد كده مش هاسكت لي .. و هاديني على دماغي
عشان الحال ده مش عاجبني
***********************
عارفة إنك زعلان مني .. و مكسوفة من نفسي بجد
و حزينة .. حزينة جدا :(
حاسة إني متكتفة
و مستوى الإرادة عندي دلوقتي بقى تحت الصفر
************************
نفسي أولع في البلد دي بأه .. نفسي
خلاص طهقت من اللي بيحصل ده
كل يوم بلوى جديدة ... و مصيبة كبيرة
و الناس ساكتة و خانعة و بتاخد على دماغها و تقول كمان
بجد الحكاية زادت عن حدها أوي ... فاقت كل الحدود
بلد بجد بقت عايزة تسونامي وللا نارجيس يفوقها
دا إذا فاقت كمان!!
******************************
خلاص قررت إني أقول كل اللي في نفسي بعد كده هنا
أمال أنا عاملة المدونة دي ليه؟
عشان أقعد أكتب في حاجات و أعملها درافت؟!!
طب و الناس الطيبة اللي بتحبني و تيجي تقرالي ذنبها ايه؟
مش عارفة بأه
أنا طهقانة و ملّانة جداااااااا و مخنوقة و على آخري
و مش عارفة أنا بكتب ايه دلوقتي
.سامحوني.
10 comments:
ايه يا بنتي؟؟
صلي على النبي((:
هدي نفسك يا بوبا
والله كلنا أو معظمنا عندنا نفس الأحاسيس دي
بس هنعمل ايه؟؟
هي الدنيا كده ولازم نستحمل
هوني على نفسك
يا خبر
ايه اللى مزعلك اوى كده
يا ستى بالنسبة لموضوع الكهربا ده
انا زيك والله
وبتحصلى كتير كمان
خاصة ف الشتا
اما موضوع اللبس
فكلنا كده والله
قدامك حلين ممكن تلبسى اسدال
او تفصلى فى دلوقتى اتيلهات كتيرة اوى بتعمل حاجات شيك موت
والباقى صدقينى كلنا بنمر بالحاجات دى
هونى على نفسك على راى دودو :)
أنا عارفة الاحساس ده ومش هطبطب عليكي واقولك مرحلة وهتعدي لأ هقولك فضفضي وقولي اللي في نفسك علشان ما تتعبيش أكتر
محبتي
يا حبيبتي يا يمامة
هتلاقي ناس كتيرو كده
انا بطلت خلاص أفكر في الناس
من راقب الناس مات هما
لا الوحده نافعة
ولا اللمة نافعه
احسن حاجة انك تدوري جواكي انتي
دايما تبصي لنفسك انك احسن من كل حاجة حواليكي مش غرور بس ان الانسان يؤمن بإنه قادر على كل حاجة والتأقلم مع كل وضع مع الاحتفاظ بمعتقداته مش يحط ايده على خده ويقول بكره احسن
الدنيا اختبار وابتلاء مش هقولك لا اهدي
لا احسن خليكي شوية كده وشوية كده
وحطي نفسك في المرتبة الأولى
بجد وانتي الكسبانه
مافيش حاجة حوالينا ماتحرقش الدم من اول ما تنزلي من بيتك لحد ماترجعي
بس للأسف هي دنيتنا وهم دول الناس
وياستي أول ماحاجة تحرق دمك تعالي فضفضي هنا كلنا آذان صاغية
هم بيسألوا عن الجواز من دلوقتي انتي صغيرة خالص، يعني عملوا ايه اللي اتجوزوا :))
دينا :
صلى الله عليه و سلم :)
مانا مستحملة بقالي كتييير و كاتمة في نفسي
بس أما الواحد بيجيب آخره مابيقدرش يسكت زيادة
بيفتح على الرابع :))
الحمد لله على كل حال
شدي حيلك يا بلد
;)
حمامة :
مش زعل ولا حاجة .. أد ماهي خنقة زيادة شوية
الكهربا بجد زادت أوي .. ومش قادرة أتحملها .. كانت بتحصل لي قبل كده .. لكن مش بالشكل المفزع ده
اللبس يا ستي دا موضوع كبيييير .. عايزله بوست لوحده
الاسدال بحبه على الناس .. لكن ماحبش ألبسه
التفصيل .. كارهاه و ماليش حظ فيه .. وكمان مش عارفة أتيلييه كويس أروح له
ربنا هو اللي بيهونها..
نورتيني
:)
تسنيم :
مش عارفة أقولك ايه بجد
بتجيبي المفيد دايما :)
ربنا يكرمك .. ويريح قلبك
شهرزاااااد :
كلامك كله جميل بجد .. واضح إن مخك كبير و بتعرفي تفلسفي المواقف اللي بتمري بيها :)
مش كل حاجة حواليا بتحرق لي دمي ولا حاجة .. بس أنا من النوع اللي بفضل أشيل و أسكت .. أشيل و أسكت .. وآجي مرة واحدة أنفجر و أطلع كل اللي جوه وماقدرش أمنع نفسي ساعتها .. ولا أقدر ألومها بصراحة :)
عن الجواز ..
آه يا بنتي .. تخيلي؟!!
آخر العنقود بأه .. و البيت بيفضى عليا واحدة واحدة
و الناس كلها _بلا استثناء_ مركزة معايا تركيز غرررريب في الموضوع ده
ربنا يكرمك يا جميلة
منوراني .. كالعادة
:)
السلام عليكم و رحمة الله و بركاته
...............................
أحترم تلك الفضفضات بشدة
:)
غراب :
و عليكم السلام و رحمة الله و بركاته
و أنا كمان ..
:))
Post a Comment