حست بيا
عرفت إنها وحشتني .. و إني محتاجاها أوي
و صعب أروحلها اليومين دول
فجاتلي هي .. جاتلي في الحلم
كان حلم جميل
يارب بأه ... يارب
عرفت إنها وحشتني .. و إني محتاجاها أوي
و صعب أروحلها اليومين دول
فجاتلي هي .. جاتلي في الحلم
كان حلم جميل
يارب بأه ... يارب
20 comments:
يا بختك
نفسي انا كمان اشوفها وحشتني قوي
بس اللي مصبرني اني هروح كمان اسبوع
عايزاني اوصلها رسالة منك؟
:):)
تروحي وتيجي بألف سلامة يا جميلة :)
شدي حيلك في الامتحانات .. هانت
;)
ياريت والله تبغليها سلامي و تقوليلها إنها وحشتني أوي .. وإني مش مانعني عنها غير الشديد القوي .. وإن شاء الله هزورها قريب .. ربنا ييسر بس
معلش بأه .. هاتعبك معايا شويتين
:)
خير اللهم اجعله خير اسكندرية بذات نفسها جاتلك في الحلم
طب متبقيش تدبيها في العشا
:)
آه يا بنتي .. هو أنا أي حد؟
دانا عشت فيها سنين :)
وبعدين أنا أحلامي كلها شاطحة كده ..
مش عايزة أقولك إني حلمت بيكي من يومين ..
:D لتقولي عليا مجنونة!!
احم احم
مابتعشاش أصلا
يا بختك
بجد
انا كمان وحشتنى
:)
هروحها قريب تيجى ؟؟ والله بتكلم جد , لو عايزة اتصل بيكى وامرى لله
انا كمان رايحة اسكندرية الاسبوع ده
بس مش متحمسة قوى لانها مش بتمثل لى حاجة كبيرة او مميزة
مدينة كأى مدينة أخرى
أجمل حاجة في الصورة اللي انتي حاطاها
هدوئها
اان بجد كنت زمان بحب اسكندرية عشان الهدوء والناس كانت مؤدبة
بجد دلوقتي مش بحب اروحها الزحمة افقدت البحر سحره
ياترى حلمتي بيها ازاي؟؟؟
فينك يا أنسة؟؟
أنا جاوبت على التاج (:
http://hawameshy.blogspot.com/
وين هالغيبة؟
رحتى فين
على فكرة اسكندرية احلى كتيييير في الشتا
بس خير اللهم اجعله خير ايه حكايتك مع الاحلام اليومين دووول ؟؟
فينك يا بنوتة؟
حمامة :
يا بختي بإيه؟ بالحلم؟
بسيطة
فكري فيها شويتين قبل ما تنامي .. وسيبي الباقي على عقلك الباطن
:))
زي الهوا - جيداء :
انتم داخلين تغيظوني يعني؟
طيب .. الله يسهل لكم بأه
ماتتفقوا وتروحوا سوا وخلاص
;)
لا يا شوشو .. اسكندرية غير .. غير بجد
شهرزاد :
الهدوء اختفى من كل مكان .. والأدب بقاياه بتستغيث .. بردو في كل مكان
اسكندرية مش عايزة تتراح من أواخر شهر 6 لحد نص 10
بعد كده بأه عايزة تستمتعي بجد .. روحيها
أنهي حلم فيهم؟ أصلهم كتير :)
دندونة :
ألف مبروك على التاج .. أخيرا!!
و ألفين مبروك على الاجازة .. متأخرة شويتين معلش :)
.......
هاتصدقيني لو قولت لك أنا نفسي مش عارفة أنا فين؟
جيداء :
عندي كوكتيل أحداث ماحصلش .. ادعيلي
يوكي :
أنا بردو بحبها أكتر في الشتا .. بس بما إني مش طايلاها فيه .. عايزة حتى أشم ريحتها في أي وقت
الأحلام عاملة معايا أحلى شغل اليومين دول .. ربنا يستر
ربنا يجمعكم بها فى الدنيا والجنة يارب..
حملة ساندوا :
آمين يارب
ربنا يكرمك .. و يسدد خطاكم
Post a Comment