أنـا شاب لكن عمري ألف عام
وحيد لكن بين ضلوعي زحام
خايف و لكن خوفي مني أنـا
أخرس و لكن قلبي مليان كلام
عجبي !!!!
********************
زي النهارده
17/05/1985
يوم الجمعة .. بعد الصلاة مباشرةً
طلعت مني أول صرخة .. صرخة الحياة
و ياريتها ما .....
ما علينا
رغم كل شيء
كل سنة و أنــا طيبة
و أحسن من السنة اللي قبلها
كل سنة و أنــا بخير
و ربنا راضي عني أكتر من أي سنة فاتت
********************
على رأي دينا
على الهامش :
بحاول لسه أستوعب إني وصلت لسن الــ 23
بحاول أقنع نفسي إني بقيت شابة .. في ريعان شبابي
بحاول بردو أفتكر أي حاجة كويسة عملتها في الـ 23 سنة اللي فاتوا
أي حاجة تقنعني إني ليا وجود .. و فيه فايدة من وجودي ده
جَرعة تفاؤل و أمل .. مش أكتر
************************
ياللا بأه
عايزة حبة دعوات كده تريح البال .. و تفرح القلب
:)
**********************
تحديث :
مش عارفة ليه عينيا دمعت و احنا بنطفي الشمع؟
وحيد لكن بين ضلوعي زحام
خايف و لكن خوفي مني أنـا
أخرس و لكن قلبي مليان كلام
عجبي !!!!
********************
زي النهارده
17/05/1985
يوم الجمعة .. بعد الصلاة مباشرةً
طلعت مني أول صرخة .. صرخة الحياة
و ياريتها ما .....
ما علينا
رغم كل شيء
كل سنة و أنــا طيبة
و أحسن من السنة اللي قبلها
كل سنة و أنــا بخير
و ربنا راضي عني أكتر من أي سنة فاتت
********************
على رأي دينا
على الهامش :
بحاول لسه أستوعب إني وصلت لسن الــ 23
بحاول أقنع نفسي إني بقيت شابة .. في ريعان شبابي
بحاول بردو أفتكر أي حاجة كويسة عملتها في الـ 23 سنة اللي فاتوا
أي حاجة تقنعني إني ليا وجود .. و فيه فايدة من وجودي ده
جَرعة تفاؤل و أمل .. مش أكتر
************************
ياللا بأه
عايزة حبة دعوات كده تريح البال .. و تفرح القلب
:)
**********************
تحديث :
مش عارفة ليه عينيا دمعت و احنا بنطفي الشمع؟
12 comments:
الحمد لله انى اقول المهنئين
:)
انا برضه يوم ميلادى الأخير
مكنتش مصدقة ولا مستوعبة انى تميت 21 سنة حاسه ان اخرى اوى 18 سنة ده بالكتير يعنى
يمكن محققتش كتير
بس اكيد اتعلمت كتير كتير
تعرفى ممكن متحسيش انك حققتى حاجة بس اتعلمتى ولا حاسه مش اتعلمتى
صدقينى بعد كده هتحسى ان كل السنين اللى فاتت دى هى اللى شكلتك دلوقتى
المهم نفكر ف اللى جاى بقى وسيبنا من اللى راح لانه عمره ما هيرجع
ونفكر ف دلوقتى
لان دلوقتى ده مسيره يروح هوه كمان
يبقى نشكله حلو علشان لما نفتكره نفرح بيه ونحس اننا عملنا حاجة
صح ولا ايه :)
ربنا معاكى يارب ويوفقك ويصلح حالك ويحققلك كل اللى بتتمنيه ويرزقك بالزواج الصالح والذرية الصالحة إن شاء الله
:)
كل
سنة
و انتى
طيبة
:)
يااااااه يا بوبا
منشنة ((:
أيام متينة الحقيقة
ربنا يسعد أيامك كلها يا بوبا
عشان انتي تستاهلي (:
حمامة :
أنا تقريبا كل سنة في نفس اليوم ده تجيلي حالة ازبهلال غريبة .. و الأغرب إنها كل سنة بتزيد عن اللي قبلها!
:D
هانعمل ايه بأه؟ سنة الحياة!
أكيد طبعا اتعملت .. اتعلمت كتير الحمد لله
عجبني أوي تعبير :
"يبقى نشكله حلو علشان لما نفتكره نفرح بيه ونحس اننا عملنا حاجة"
عندك حق طبعا
اللهم آمين .. ربنا يكرمك .. ولكِ مثله أكيد إن شاء الله
وجودك هنا بيسعدني بجد
:)
جيداااء :
و انتي طيبة .. طيبة جدا
و
ح
ش
ت
ي
ن
ي
:)
دندونة :
أنا عارفة و الله إنها أيام متينة .. متينة جدا :D
بس مش بإيدي بأه هاعمل ايه؟
الحمد لله إن ربنا تاب عليا من الامتحانات عشان أعرف أفرح شوية في اليوم ده
عقبال ما يتوب عليكي انتي كمان للأبد :))
ربنا يكرمك يا دينا .. بجد أنا بحبك أوي :)
اللهم آمين
أنا متأكدة اني سيبت كومنت هنا يا يويا
مش لاقياه مش عارفة ازاي
:$
عموما كل سنة وانتي طيبة بس انا والله كنت فاكرة اني قلتهالك من زمان
غراب :
و عليكم السلام و رحمة الله و بركاته
ايه ده .. ايه ده؟
غراب و حمامة الاتنين عندي؟ و رادّين على بوست واحد؟
ايه الهنا اللي أنا فيه ده؟ :))
...ربنا يخليكم لبعض
و حضرتك طيب :)
اللهم آمين ... ربنا يسمع منك
بحاول دايما ... بس أحيانا بنسى أو بسرح
ربنا يكرمك
تسنيم :
و انتي طيبة يا جميلة
يا بنتي ولا يهمك .. تلاقي البوست دا عليه عفريت .. مش عيد ميلادي بأه؟ بيحتفل يعني :D
كأنك قولتيها من زمان :)
ربنا يكرمك يارب .. ويريح قلبك
يااااه
يمامتي الجميلة كل سنة وأنتي طيبة ياقمر وعقبال مليوووووون سنة وانتي سعيدة وطايرة زي اليمامة الحرة
انا عارفة انها متأخرة لكن بقالي فترة مش بتصفح المدونات
على فكرة انا كمان يوم ميلادي لما بحتفل فيه رغم ان كل اللي حولي بحبهم لكن بيبقى في حزن غريب جوايا
يمكن ده الشجن اللي خلاكي تدمعي وانتي بتطفي الشمعة
هابي بيرث داي مرة تانية ;)
شهرزاد :
و انتي طيبة يا جميلة .. ربنا يكرمك
ولا يهمك .. أنا عارفة إن الامتحانات عاملة شغل مع الناس كلها .. ربنا يعديها على خير
هو مش حزن بالظبط يعني .. ممكن نقول كوكتيل أحاسيس يغلب عليه الشجن .. مع كثير من الازبهلال :))
:)ربنا ما يحرمني من وجودك هنا
Post a Comment