هو انت ليه يارب سايبني كده؟
ليه سايب التعاسة و الحزن ينهشوا فيّ بالشكل ده؟
هو أنا ماستاهلش أعيش سعيدة ولو ليوم واحد في حياتي؟
ليه طيب؟ أنا وحشة أوي كده؟
لأ..أنا عارفة إني مش بالسوء ده!
وعلى فكرة أنا مش بقول كده مقاوحة!
عشان أنا ماقدرش أعمل كده..
لأني بحبك وبخاف منك..وبخاف على زعلك مني!
أنا بس ثقتي فيك وفي نفسي "اللي انت علّمتهالي"
هي اللي بتخليني أقول كده..
المشكلة إني مش فاهمة الحكمة من كل اللي أنا فيه ده..
يمكن لو فهمت..البركان اللي جوايا ده يهدى..
يمكن أعرف أكمل وأعيش..
لكن بالشكل ده..أنا مش عارفة أعيش
حقيقي مش عارفة..!
.
.
يارب..أنا تعبانة أوي
أرجوك ريّحني
