ماعرفتش أحضنك

مقدمة لابد منها..
دورنا كتير على روحنا..
و جينا و روحنا..
و ماعرفناش..
و حاولنا ننسى جروحنا..
بس قلوبنا
مابتنساش..
وده ضاع مننا ببلاش..
وده راح من هنا ولا جاش..
أصعب شىء فى الدنيا..
لما عيونا تبص علينا..
وماتشوفناش..
■ ■ ■
ماعرفتش أحضنك..
ماعرفش إيه حاشني؟!
بتوحشني..
بجد بجد بتوحشني..
ماعرفتش أحضنك!
يمكن عشان..
طعم الكلام..
يمكن عشان..
كتر الزحام..
مخنوق..
وهي الدنيا إمتى..
كانت بتروق؟!!!!
يمكن عشان..
خايف أفوق..
ماعرفتش أحضنك!
.................................

علي سلامة