
مش فاهمة بجد فيه ايه؟!!
بقالي يومين فيه حاجة مش طبيعية بتحصل لي
فكرة بسيطة تيجي على بالي وتعدي بسرعة البرق
كام ساعة و ألاقيها اتحققت .. !!
- مجرد خاطر يجيلي بالنهار يخليني أتخيل موقف ما
بالليل يحصل نفس الموقف بنفس التفاصيل السريعة اللي عدت في خيالي !!
.......................................
- أحسّ إن فلانة صاحبتي هاتكلمني النهارده
و فعلا تتصل .. و تفتح نفس المواضيع اللي تخيلتها مسبقاً !!
......................................
- أحلم بحد بيجيب لي سيرة المحتوى العلمي
تاني يوم الصبح أول ما أمسك الموبايل و أفتحه
ألاقي حد بيتصل و يقول لي إنه فعلا فيه محتوى علمي ومحتاج يتترجم !!
.........................................
- و أنا بعمل الغدا النهارده قولت لنفسي ممكن بكرة ناكل كذا
قبل ما ييجي بكرة ألاقي بابا و ماما النهارده بالليل بيقولوا نفس الحاجة
و من غير ما أكون جبت لهم سيرة !!
.............................................................
أكتر حاجة جابت لي ذهول بجد هو موضوع المحتوى العلمي ده!!
لإننا بقالنا قرن ماجلناش حاجة زي كده في المكتب
بالإضافة لإني بقالي أكتر من أسبوعين مش بروح الشغل !!
و كل موقف من دول ماكنتش بقف عنده كتير
إلا إني دلوقتي جمعت كل المواقف اللي حصلت امبارح و النهارده
و حسيت إن فيها حاجة مش طبيعية
جوايا يقين غريب إن قعدتي أدام البحر لساعات و ساعات
في الأيام اللي فاتت ليها علاقة وثيقة بالموضوع ده
رغم إن مفيش أي دليل مادي على كده
حد منكم عنده تفسير مقنع للحالة العجيبة دي؟!!
ء
بقالي يومين فيه حاجة مش طبيعية بتحصل لي
فكرة بسيطة تيجي على بالي وتعدي بسرعة البرق
كام ساعة و ألاقيها اتحققت .. !!
- مجرد خاطر يجيلي بالنهار يخليني أتخيل موقف ما
بالليل يحصل نفس الموقف بنفس التفاصيل السريعة اللي عدت في خيالي !!
.......................................
- أحسّ إن فلانة صاحبتي هاتكلمني النهارده
و فعلا تتصل .. و تفتح نفس المواضيع اللي تخيلتها مسبقاً !!
......................................
- أحلم بحد بيجيب لي سيرة المحتوى العلمي
تاني يوم الصبح أول ما أمسك الموبايل و أفتحه
ألاقي حد بيتصل و يقول لي إنه فعلا فيه محتوى علمي ومحتاج يتترجم !!
.........................................
- و أنا بعمل الغدا النهارده قولت لنفسي ممكن بكرة ناكل كذا
قبل ما ييجي بكرة ألاقي بابا و ماما النهارده بالليل بيقولوا نفس الحاجة
و من غير ما أكون جبت لهم سيرة !!
.............................................................
أكتر حاجة جابت لي ذهول بجد هو موضوع المحتوى العلمي ده!!
لإننا بقالنا قرن ماجلناش حاجة زي كده في المكتب
بالإضافة لإني بقالي أكتر من أسبوعين مش بروح الشغل !!
و كل موقف من دول ماكنتش بقف عنده كتير
إلا إني دلوقتي جمعت كل المواقف اللي حصلت امبارح و النهارده
و حسيت إن فيها حاجة مش طبيعية
جوايا يقين غريب إن قعدتي أدام البحر لساعات و ساعات
في الأيام اللي فاتت ليها علاقة وثيقة بالموضوع ده
رغم إن مفيش أي دليل مادي على كده
حد منكم عنده تفسير مقنع للحالة العجيبة دي؟!!
ء


