Wednesday, July 2, 2008

حـالـة كـده


معرفش ليه ..
تنحت للدنيا كده ..
فجأة لقيتني مسكون بالملل ..
لاعندي رغبة ف البكا ..
و لا في الكلام ..
و لا عايز أنام ..
و لا حتي بسأل إيه ده ليه ..
و آخرتها إيه ..
و إيه العمل ..
حالة كده ..
معرفش ايه؟!
و أخاف أقول لأي حد ..
لحسن يقوم يقلبها جد ..
حد صاحبي ينزعج ..
يمد إيده جوه قلبه من باب الكرم ..
عشان يشاركني الألم ..
أو يستلفلي من لئيم حبة أمل ..
حالة كده ..
مالهاش معاد ..
ساعات تزورني ف الربيع ..
ف الحر ..
و ف عز الشتا ..
وتجيب حاجات ..
لا فيها روح ولا ميتة ..
حالة كده ..
معرفش ايه؟!
لا معاها تنفع كلمتين و لا غنوتين ..
و لا لقطة من ألبوم صور ..
و ألاقي قلبي ف الهوا ويا الكور ..
أخاف أقول لأي حد ...
لحسن يقوم يقلبها جد ..
حالة كده ..
معرفش إيه؟!
لكني برجع منها بعد السكات ..
فاكر شوية ..
فاهم شويه ف اللي فات ..
حاسس أوي بحضن الصحاب ...
محظوظ أنا ..
ساعات بشاور ..
ينفتحلي ألف باب ..
لكني برجع ..
و بغلط ف الحساب ..
و معرفش ليه ..
تنحت للدنيا كده !!

...............................

علي سلامة




Monday, June 30, 2008

رحمـة


رَبَّنَا لاَ تُزِغْ قُلُوبَنَا بَعْدَ إِذْ هَدَيْتَنَا وَهَبْ لَنَا مِن لَّدُنكَ رَحْمَةً إِنَّكَ أَنتَ الْوَهَّابُ


.........

ربي

أسألك رحمة من رحماتك

تصلح بها شأني كله

عاجله و آجله

يارب .. رحمة .. يارب



Tuesday, June 24, 2008

صـدمـة


س : هما ليه بقـوا كده؟!!!

ج : أصلهم هما كده






Tuesday, June 3, 2008


فـي سكــة زمـــان

راجعــين !!


ء