Monday, December 27, 2010

وجــع البنــات 2


انتي عارفة اللي بتسندك دي

وبتقولك معلش اتحمّلي..؟

محتاجة بردو اللي يسندها ويطبطب عليها..

محتاجة بردو اللي ياخد بإيدها ويقوّيها..

بس هي مش بتعمل ده لأنها أقوى منك

ولا مسنودة عنك..ولا صالبة طولها

بالعكس..!

الفرق بينك وبينها إنها عارفة كويس وفاهمة

إننا لو ما سندناش بعض..

واتعكّزنا على بعض..

وكان ضهرنا في ضهر بعض..

هانعجّز!

هانقع!

مش هانقدر نكمّل!

.
.
.
نفسي بجد نتعامل مع بعض على الأساس ده!

ـ

.................................................