مش عارفة أبدأ منين؟
من زمااااان .. أيام ما كنا مابنستويش في حلة ،
وللا أما كبرنا .. و بقينا نفهم بعض من نظرة عينينا؟
خلاص .. أنا هاكتب و الكلام هايجيب بعضه .
..............................
مش قادرة أتخيل فكرة إن اتنين أخوات يعيشوا مع بعض أكتر من 23 سنة
يتربوا سوا .. و يكبروا سوا .. و ينضجوا سوا
و فجأة ..
فجأة واحدة منهم تفتح عينيها الصبح ماتلاقيش التانية معاها في البيت
اتجوزت ..
بقى ليها بيت تاني غير بيتها .. وناس تانية غير ناسها
و المفروض طبعا إن ده عادي .. سنة الحياة
المفروض بردو إن الواحدة دي تتعود على كده
المفروض نفسيتها ما تتعبش ولا أعصابها تتلف
المفروض ما يجيلهاش اكتئاب
المفروض ماتعيطش .. أصلها مابقتش صغيرة على التفاهات دي
المفروض تعيش لوحدها في الدنيا .. مع باباها و مامتها
المفروض .. و المفروض .. و المفروض
مفروضات كتير أوي مش عارفة مين فرضها؟
و فرضها امتى؟ و ليه؟ و على مين؟
..........................................
النهارده و أنا راجعة من الشغل كل ده كان بيدور في دماغي
كل ما أحاول أفكر في حاجة تانية ماعرفش .. و عينيا تدمع أكتر
مش متخيلة إني هارجع البيت مش هالاقيكي ..
مش هالاقيكي نايمة على الكنبة اللي في الصالة
و تقعدي تناغشي فيا .. و أنا راجعة من الشغل قرفانة
ترخمي عليا و أنا حرانة .. تقعدي تنكشيني لحد ما أفك
و كل واحدة تبدأ تحكي للتانية عن يومها و أحداثه .. و الشغل ..
و الدنيا .. و الناس بقت عاملة ازاي
كنا دايما نصبّر بعض .. و نقول اللي زينا خلاص انقرضوا
احنا نشوفلنا كوكب تاني نعيش فيه ..
بعيد عن الشر و الحقد و الحسد و الخبث
و كل الصفات البغيضة اللي انتشرت بين الناس انتشار النار في الهشيم
و في الآخر نقول في نفس واحد : "ربنا يخرجنا منها على خير "
حاولت النهارده أدور على أي مشوار أروحه عشان يأخرني شوية عن رجوعي للبيت
طب النهارده لقيت مشوار يأخرني ربع ساعة
طب و بكرة؟ طب و كل يوم؟ و آخرتها؟
مانا كده كده هارجع البيت و مش هالاقيكي
دخلته و أنا مش عايزة أدخل
مش عايزة ماما تشوفني و أنا مدمعة .. ولا بابا
هما مش ناقصين
حاسة إنه مابقاش فيه روح .
.............................................
أول مرة أحس إن آخر العنقود مظلوم !!
طول عمري شايفة غير كده
ماشوفتش غير الدلع و الحنية و الحب الكبير من الكل
مظلوم أيوه .. كل اللي بيحبهم بيسيبوه .. واحد ورا التاني
و بردو "المفروض" يأقلم نفسه على كل الأوضاع الجديدة
مش مهم هو موافق وللا لأ؟ راضي وللا لأ؟
هايعيش ازاي بعد كده؟
مش مهم أي حاجة .. مش مهم كل حاجة .
...........................................
هنام ازاي لوحدي في الأوضة؟
أنا مش بخاف زي مانتي عارفة .. بس مش هاعرف ..
بجد ماعرفتش أنام الليلتين اللي فاتوا
هاعمل ايه طيب في اللي جاي؟
مش هاقول غير : ربنا يهوّن
لإنه أدرى واحد بيا و بحالتي
مش عايزة أصعب على حد .. غيرك
أيوه .. عايزة أصعب عليكي انتي بس
عشان تسألي عني و تحسي بيا ..
و بكمية الفراغ الرهيبة اللي سبتيهالي
مش عشان تضايقي و الله
بس عشان تسألي عليا
ربنا يفرح قلبك .. و يسعد أيامك كلها
و حياتك الجديدة تكون أحسن من اللي فاتت
......................
وحشتيني
من زمااااان .. أيام ما كنا مابنستويش في حلة ،
وللا أما كبرنا .. و بقينا نفهم بعض من نظرة عينينا؟
خلاص .. أنا هاكتب و الكلام هايجيب بعضه .
..............................
مش قادرة أتخيل فكرة إن اتنين أخوات يعيشوا مع بعض أكتر من 23 سنة
يتربوا سوا .. و يكبروا سوا .. و ينضجوا سوا
و فجأة ..
فجأة واحدة منهم تفتح عينيها الصبح ماتلاقيش التانية معاها في البيت
اتجوزت ..
بقى ليها بيت تاني غير بيتها .. وناس تانية غير ناسها
و المفروض طبعا إن ده عادي .. سنة الحياة
المفروض بردو إن الواحدة دي تتعود على كده
المفروض نفسيتها ما تتعبش ولا أعصابها تتلف
المفروض ما يجيلهاش اكتئاب
المفروض ماتعيطش .. أصلها مابقتش صغيرة على التفاهات دي
المفروض تعيش لوحدها في الدنيا .. مع باباها و مامتها
المفروض .. و المفروض .. و المفروض
مفروضات كتير أوي مش عارفة مين فرضها؟
و فرضها امتى؟ و ليه؟ و على مين؟
..........................................
النهارده و أنا راجعة من الشغل كل ده كان بيدور في دماغي
كل ما أحاول أفكر في حاجة تانية ماعرفش .. و عينيا تدمع أكتر
مش متخيلة إني هارجع البيت مش هالاقيكي ..
مش هالاقيكي نايمة على الكنبة اللي في الصالة
و تقعدي تناغشي فيا .. و أنا راجعة من الشغل قرفانة
ترخمي عليا و أنا حرانة .. تقعدي تنكشيني لحد ما أفك
و كل واحدة تبدأ تحكي للتانية عن يومها و أحداثه .. و الشغل ..
و الدنيا .. و الناس بقت عاملة ازاي
كنا دايما نصبّر بعض .. و نقول اللي زينا خلاص انقرضوا
احنا نشوفلنا كوكب تاني نعيش فيه ..
بعيد عن الشر و الحقد و الحسد و الخبث
و كل الصفات البغيضة اللي انتشرت بين الناس انتشار النار في الهشيم
و في الآخر نقول في نفس واحد : "ربنا يخرجنا منها على خير "
حاولت النهارده أدور على أي مشوار أروحه عشان يأخرني شوية عن رجوعي للبيت
طب النهارده لقيت مشوار يأخرني ربع ساعة
طب و بكرة؟ طب و كل يوم؟ و آخرتها؟
مانا كده كده هارجع البيت و مش هالاقيكي
دخلته و أنا مش عايزة أدخل
مش عايزة ماما تشوفني و أنا مدمعة .. ولا بابا
هما مش ناقصين
حاسة إنه مابقاش فيه روح .
.............................................
أول مرة أحس إن آخر العنقود مظلوم !!
طول عمري شايفة غير كده
ماشوفتش غير الدلع و الحنية و الحب الكبير من الكل
مظلوم أيوه .. كل اللي بيحبهم بيسيبوه .. واحد ورا التاني
و بردو "المفروض" يأقلم نفسه على كل الأوضاع الجديدة
مش مهم هو موافق وللا لأ؟ راضي وللا لأ؟
هايعيش ازاي بعد كده؟
مش مهم أي حاجة .. مش مهم كل حاجة .
...........................................
هنام ازاي لوحدي في الأوضة؟
أنا مش بخاف زي مانتي عارفة .. بس مش هاعرف ..
بجد ماعرفتش أنام الليلتين اللي فاتوا
هاعمل ايه طيب في اللي جاي؟
مش هاقول غير : ربنا يهوّن
لإنه أدرى واحد بيا و بحالتي
مش عايزة أصعب على حد .. غيرك
أيوه .. عايزة أصعب عليكي انتي بس
عشان تسألي عني و تحسي بيا ..
و بكمية الفراغ الرهيبة اللي سبتيهالي
مش عشان تضايقي و الله
بس عشان تسألي عليا
ربنا يفرح قلبك .. و يسعد أيامك كلها
و حياتك الجديدة تكون أحسن من اللي فاتت
......................
وحشتيني
14 comments:
ربنا يسعدها يارب ويوفقها
صدقيني دي حالة مؤقتة وهتعدي..صحيح هتتعبي في الاول وهتفضلي كتير في حالة عدم توازن واكتئاب بس برضو هتعدي وهتتكيفي على الوضع
ربنا يهون عليكي
الله
معلش
انا دلوقتى حاولت احط نفسى مكانك
:(
الحمد لله انى مش ليا اخوات بنات
ان شاء الله بكرة ربنا يرزقك انتى كمان بالزواج الصالح وهى كمان تفرح بيكي
والبيت ساعتها هيفضى على ماما
ربنا يفرحك ويهون عليكي يارب
:)
ألف مبروك ليها .. وعقبالك يارب مانفرح بيكى .. وأجيلك الفرح بفستان أحلى
هههههههههههههههه
مش عايزة اقولك ربنا يهون عليكى.. لأنها بتتقال فى الحاجات الوحشة.. انا شايفة انه فرح والمفروض تفرحيلها لأنها فرحانة.. انتى يابنتى مشفتيش هى كانت ماشاء الله فرحانة ازاى
متبقيش انانية ... انا عارفة انك بتحبيها.. بس هى من حقها ده
الحياة كده
مفيش حاجة بتبقى على حالها
انتي جميلة قوي
ربنا يخليكوا لبعض
ربنا يسعد قلبها وي فرحها و يهنيها
و يهون عليكي و يسعدك وي فرحك دايماً
اتمني لكي كل الخير و السلامة
سلامٌ عليكي
الفراق صعب أيا كان
بس عزائك إنها في بيتها مبسوطة بإذن الله (:
وعقبالك يا ستي
وساعتها بأه ربنا يصبر باباكي ومامتك على فراقكم (:
بيسوو :
آمين يارب .. ربنا يسمع منك
و يهون الجاي من غيرها
ببتسم بجد أما بلاقيكي هنا
:)
حمامة :
الحمد لله على كل حال .. آمين يارب
ماما دي بأه اللي ربنا يتولاها هي وبابا .. دا بعد عمر طويل ليا معاهم إن شاء الله :))
ربنا يكرمك يا جميلة :)
ريري :
الله يبارك فيكي ياختي .. بس أنا لازم أتطمن عليكي انتي الأول
;)
وبعدين بالراحة عليا شوية يا حاجة! هو أنا قولت إنه مش من حقها؟
أصلك بجد مش متخيلة يا ريهام البيت بقى عامل ازاي!!
و كمان انتي عارفة إن المشكلة مش بس في الجواز .. الكارثة في السفر
ربنا ييسر .. ويهون
نعكشة :
ربنا يكرمك يا نعكوشة .. ويستجيب لكل دعواتك الجميلة دي :)
نورتيني بجد :)
وعليكِ السلام ورحمة الله و بركاته
دندونة :
عندك حق .. الفراق بجد صعب .. وخاصةً لو كان مزدوج!
ربنا يسمع منك .. و عقبالك انتي كمان .. عن قريب إن شاء الله نفرح بيكي
;)
يارب
انتى ياهانم مانتى مسيرك تمشى انتى كمان , وهيه دى سنتها , بس كنتى قمرررررررررررررررررررررررررررررررررررررررررررررررررررررررررررررررر
موحه :
مسيري هامشي آه .. بس ساعتها مش هابقى لوحدي زي دلوقتي
احم ..
:Dقمر؟ وللا أمر بالستر؟
بلاش إحراج بأه .. كفاية عليا اللي سمعتوهولي يومها
انتي عارفة .. فكرتيني بنفس احساسي يوم ما اختي اتجوزت ...
بس هيه فترة وبتعدي .. غصب عن الواحد بيتأقلم علىالواقع
الف مبرووووووووك ليها وعقبالك
مرمر :
عندك حق ..
أنا فعلا بدأت أتأقلم الحمد لله
مهو ربنا كريم أوي!!
الله يبارك فيكي يا جميلة .. عقبالك انتي كمان يارب
ربنا يكرمك ..
نورتيني بجد :)
ياريت ماتكونش آخر مرة
Post a Comment