أوقات بيبقى الإحساس
أكبر من أي كلام ممكن يتقال
Saturday, April 25, 2015
Saturday, April 11, 2015
حقيقة 10
تلات اربع البني آدمين "الطبيعيين" على وجه الأرض
هايعيشوا عمرهم كله..وحياتهم هاتخلص
قبل ما يعرفوا حجم الأذى والأسى اللي سبّبوه لغيرهم
.
.
والربع الباقي مش هايعرف
غير بعد ما يكون فات الأوان
على إنه يعمل أي حاجة كويسة
للي أذاهم..وداس عليهم
Friday, March 27, 2015
Saturday, January 24, 2015
وهـن
في مرحلة ما
بتوصل لدرجة معينة من الألم
بتحس بعدها بـ"الخدر"..كأن روحك متخدرة
كأنك على هامش الحياة
عايش آه
بس بنص وعي
نص إحساس
كأنك بتتفرج على حياة حد تاني..من برة
حد غيرك بيصحى الصبح
بيقوم من على سريرك
بيلبس هدومك..بيبص في مرايتك
بينزل من بيتك..بيروح شغلك
بيتعامل مع زمايلك..بيكلم أصحابك
بيكلم أهلك..ويهرّج معاهم..ويضحك في وشهم
انت معاهم..بس مش معاهم
جسمك معاهم
بس روحك بعيد..بعيد أوي
بعيد لدرجة إنك مش عارف هي فين
غابت امتى؟
مش عارف
انت تعبان لدرجة إنك مش قادر تدوّر عليها
أو مش عايز تدوّر عليها
أو مش عارف..مش عارف
مش عارف
Subscribe to:
Posts (Atom)