Saturday, December 22, 2012

دايرة مُفرغة



  و كُن مَن أنت حيث تكون

و احمل عِبءَ قلبك وحده

محمود درويش 
.
.

ايه فايدة إن البني آدم

يحب حدّ و يتعلق بيه

و يتعوّد على وجوده

و يكون له "الونَس" الوحيد في حياته

طالما _كالعادة_ الدنيا مش هاتسيبهم في حالهم؟

 ايه اللي هايحصل يعني لو صاحبت نفسك

و صالحتها و حبيتها و خدتها في حضنك؟

على الأقل 

دي الروح الوحيدة اللي تبقى ضامن 

 إنك مش هاتضطر تودّعها في يوم من الأيام

زيها زي كل اللي ودّعتهم قبل كده

مهي الدنيا أصلها محطات

في كل محطة لازم يقع منك حاجة/حد

ليه ذنب بأه..أو ليك انت

أو مالوش..أو مالكش 

مش مهم

النتيجة واحدة

.
.

مانت ماينفعش تعيش عمرك كله 

تسقّط في كل محطة حد..ومعاه حتة من روحك

هاتجيب منين روح؟

هاتجيب منين طاقة؟

هاتجيب منين صبر؟

هاتجيب منين كتف يشيل كل ده؟

.
.

الخلاصة

إذا كان لابد من العيشة دي

عِيش لوحدك

عِيش لنفسك

كده أريح

ليك..و لكل اللي حواليك









Tuesday, December 18, 2012

Wednesday, December 12, 2012

  

عينيكي

اللي معبّية دمـوع دي

مش مكتوب لها تصفى

أبـدًا..يا هبه

 

 

Monday, November 26, 2012

حقيقة 6

 
 عمر الدم  

ما كان وجهة نظر

على فكرة

.
.

ولا هايكون..! ـ