Saturday, September 8, 2012

نصيحة


حاول تدرّب نفسك على إن

مُرادك في الحياة..يكون هو مُراد الله

حاول تروّضها..تربّيها..تهذّبها

مش هاتخسر حاجة لو حاولت

لكن ممكن تخسر لو ماحاولتش






Thursday, August 30, 2012

Thursday, August 23, 2012

حقيقة 4


أنا مايهمنيش

أد ايه بيحبوني..وأد ايه مش بيحبوني

اللي يهمني بجد

اللي بيحبوني..بيحبوني أد ايــه

بس كده






Friday, August 17, 2012

فرح ريهام


يوم فرحك

مش هاصوّرك بكاميرا ولا بموبايل

أنا هاصوّرك بعينيا

و أطبع الصورة في قلبي

عشان أفضل فاكرة شكلك وانتي عروسة

طول الوقت

عشان مهما حصل بعد كده

ليا أو ليكي

نفضل نفتكر إن ده في يوم من الأيام

كان حلم شبه مستحيل..و اتحقق

يوم فرحك

هايفضل لي طاقة نور

تديني أمل

و تنوّر لي عتمة كل اللي فات

واللي لسه هاييجي

.
.

ربنا يسعدك و يفرح قلبك

و يحلّي أيامك كلها
و يريح بالك ويهدّي سرك

و يعوضك خير عن كل اللي فات

يا أعز و أغلى الناس