Wednesday, April 13, 2011

ناقصني حد


حاسة إني زي العيال الصغيرين

محتاجة حد يقعّدني على رجله

حد أغطس في حضنه..أغطس "مابانش"..

وأعيط براحتي..براحتي أوي

ويطبطب عليا

ويقول لي:

- معلش..الـ"واوا" هاتخفّ

معلش..هاتبقي كويسة..!

و أنا عندي استعداد أصدّقه

وأبطّل عياط

تمام زي الصغيرين

مع إن الـ"واوا" بتاعتي كبيرة أوي

مش زي بتاعت الصغيرين





Tuesday, April 12, 2011

ألف ليه..وليه؟


عندي استعداد كبير

"أحاول" أنسى

.
.
.

بس أفهم الأول

كــل ده كان ليه؟





Saturday, April 9, 2011

أنا فزعانة


عارف أما يبقى نبْضك جامد أوي

لدرجة إنك حاسس بيه في دماغك؟

بلاش دي..!

طب عارف أما يبقى قلبك بيدق جامد أوي؟

مش بيدق بسرعة..لأ

بيدق بعنف..بيدق بقوة

قوة بتهزّ نص جسمك اللي فوق كله..

أما تبقى قاعد ثابت..وشايف جسمك بيترجّ لوحده؟!!!

دا بالظبط اللي بيحصل لي

حاسة إن جسمي نفسه مش مستحمل

اللي قلبي حاسُّه

وعقلي مش قادر يستوعبه..!

..................................................

* العنوان: اسم أغنية لفيروز





Wednesday, April 6, 2011


لا أسمع

،

لا أرى

،

لا أتكلم

، ، ، ،

فقـط

أمارس فِعـل الحياة

القميئ

.
.
.

و لا أزال في انتظــاره