Tuesday, June 22, 2010

غريبة الناس


هو ليه الواحد دايماً بيخاف على مشاعر كل الناس

و في المقابل نادر أوي أما يلاقي حد يخاف على إحساسه

و اللي بيجرح بيجرح بجد..وبيدوّر ع اللي بيوجعك ويعمله!!

ليه؟ بجد ليه؟

عمري ما حبيت ولا هاحب اللي يعيش في دور الضحية

أو الشهيد اللي يا عيني الدنيا كلها ظالماه

و هو يا حرام ملاك برئ بجناحين بيرفرفوا حوالين البشر!!

ولا عمري كمان عشت في الدور ده

لإني مقتنعة تماما إن كلنا بنغلط..

و مافيناش حد معصوم

بس اللي بستغربه أوي بجد

ازاي الواحد يرتاح بالليل و ينام قرير العين

و هو ظالم حد أو جارح حد أو أو آذي حد عن عمد!!!

لو ع الغلط..آه أنا بغلط

و غالباً بعترف _حتى لو لنفسي بس_ إني غلطانة

لكن مافتكرش أبداً إني عمري أذيت حد

أو جرحت حد بقصد..

زي ما بيحصل معايا

الناس ليه بقت قاسية على بعضها كده؟

"ارحمــوا مـَـن في الأرض..يرحمكم
مـَـن في السماء"

ـ




Friday, June 18, 2010


ـ"يارب

لو كان مكتوب علينا الفراق

يفضل في قلوبنا حنين"
.
.
علي سلامة
.
.
.
.

وجود الحنين بيوجع..

لكن غيابه بيوجع أكتر



Wednesday, June 16, 2010

حالة كـده


وما بين كده وكده

مش مرتاح أنــا

.
.
.

لا أنا عارفة أنام ولا عارفة أصحى!!ـ