Tuesday, February 9, 2010

Wednesday, February 3, 2010

في الشتا..وبس


مابتحصلش كتير
*************

لما تقوم الصبح لوحدك

فايق أوى
فرحان..
والدنيا بتاخدك بالحضن
من غير لف ودوران..
وإنه كمان مسموح لك تحلم
وبدون استئذان..
لما تحس بروحك طايرة
وبتقرب منك
وقلبك رغم الحزن يقولك
مش زعلان منك..
وإنك لسه بتقدر تعشق
وإن الكلمة بتطلع سهلة
مش غصب عنك..
وإن حياتك كلها تفرق
عن كام ساعة فاتوا..
وإن النقط السودة ف توبك
اختفوا أو ماتوا..
وإنك حد مصالح روحه
وبيحب حياته..
إياك تسأل ليه وإزاى
وتدور على تفسير..
وامسك فيها بعمرك كله
وأوعى تسيبها تطير..
أصلها حالة جميلة جميلة
ومابتحصلش كتير..

...................................................

* علي سلامـة



Wednesday, January 27, 2010

Thursday, January 14, 2010

ايه؟ وليه؟


ايه اللي فاضلي
نفسي يطول ضلي
يوصل لشارعنا
يضحك لأصحابي

وينام على كتابي

والصبح يجمعنا

آخر وعودك ايه
يا حلم زي الضي

بتزيد ف بعدك ليه
وإن قلت مرة جاي
ليه؟ تنسى؟ عنواني؟؟

ليه؟!!





ء