Sunday, March 9, 2008

آه


كنت محتاجة أسافر .. و سافرت

و كنت في أمسّ الحاجة لإني مارجعش .. لكن رجعت

جوايا كلام كتير .. هموم كبيرة .. أحزان تقيلة


كان واحشني البحر .. واحشني أوي

كنت خلاص منيت نفسي إني هشوفه

هحكيله .. و أشكيله

أفضفضله

أغسل همومي و أحزاني بأمواجه

لكن .. بردو ماحصلش

...................................

ليه يا دنيا بعد ما تفرّحينا حبة

تزعّـلينا حبتين؟

Wednesday, February 27, 2008

... إلـى


حاجة جميلة أوي إني أصحى الصبح

أفتح عيني

أمسك الموبايل .. أفتحه

One New Message :

ربنا يخليكي ليا

.......................

أنا بجد مش قادرة أوصفلِك بحبِّـك أد ايه

ولا أد ايه فرحتني الرسالة دي

ربنا يديم عليا نعمة وجودِك في حياتي

و يقدرني إني أصونها

و فعلا صدق اللي قال :

رُب أخٍ لك لم تلده أمك


Saturday, February 23, 2008

!! أب مثالي


الأم ---> للأب : ابنك (17 سنة) بيشرب سجاير من ورانا

الأب ---> للأم : خلاص .. سيبيهولي و أنا هاتصرف معاه

الأب ---> للابن : بص يابني .. انت تشرب سجاير ماشي .. لكن اوعى تشرب مخدرات

الابن ---> للأب : حاضر يا بابا .. أوعدك

--------------------------------

تحية إلى هذا الأب الهُـمام

أنا مش بس برفع لك القبعة

دا أنا بقلعها لك خالص

-----------------------

أبهات آخر زمن صحيح!!

و لســـــه



Saturday, February 16, 2008

" ..... "



ربنا بيربّـيني ...

بكرمه عليا و فضله





مكسوفة من نفسي جداااااااا