Friday, February 26, 2010

.......


و ساعات يهز الأرض

ياخدنا نحضن بعض

نفتح شبابيكنا ازااااااز و شيش

تقوليلي ماتخافشي

أقولك متخافيش

..........................................

على الهامش:

ساعة المطر..افتكرتك





Wednesday, February 24, 2010


ماعادتش بتفرق

ومضة حلمـــك

من رعشة خــوفـك




Tuesday, February 9, 2010

Wednesday, February 3, 2010

في الشتا..وبس


مابتحصلش كتير
*************

لما تقوم الصبح لوحدك

فايق أوى
فرحان..
والدنيا بتاخدك بالحضن
من غير لف ودوران..
وإنه كمان مسموح لك تحلم
وبدون استئذان..
لما تحس بروحك طايرة
وبتقرب منك
وقلبك رغم الحزن يقولك
مش زعلان منك..
وإنك لسه بتقدر تعشق
وإن الكلمة بتطلع سهلة
مش غصب عنك..
وإن حياتك كلها تفرق
عن كام ساعة فاتوا..
وإن النقط السودة ف توبك
اختفوا أو ماتوا..
وإنك حد مصالح روحه
وبيحب حياته..
إياك تسأل ليه وإزاى
وتدور على تفسير..
وامسك فيها بعمرك كله
وأوعى تسيبها تطير..
أصلها حالة جميلة جميلة
ومابتحصلش كتير..

...................................................

* علي سلامـة