بحلم ببكرة

زي النهارده السنة اللي فاتت اتسألت عن أمنياتي لـ 2007 _على المستوى الشخصي_ و كان ده ردي :

1- نفسى ربنا يرفعني لدرجة الإيمان اللى بتمناها... نفسى اوووى أكون من المؤمنين اللى اتذكروا فى القرآن.

2- نفسى أشتغل أوووى ... بس مش أى شغل و السلام ... نفسى فى الوظيفة اللى بتمناها.

3- نفسى شخصيتى تكون أحسن و أحسن ... و أتخلص من بقية عيوبى.

..*Principe Azzurro ة4- نفسي أقابل الـ

والحياة تبقى وردي .. وردي أوي

من كل أمنية من اللي فاتوا حققت جزء ... فيما عدا الأمنية الأخيرة ... ماينفعش تتجزأ

يا تتحقق على بعضها ... يا بلاش !! :)


2007 :

كنتي غريبة ... من أغرب السنين اللي مرت عليا في حياتي

ضميتي حاجات حلوة كتير ... فرحتني فعلا ... فاكراها أوي

وطبعا كان فيكي حاجات مش لطيفة ... ضايقتني أكيد ... بس مش عايزة أفتكرها

كنتي سنة طويلة ... أكتر من اللازم ... بس الحمد لله خلصتي

خلصتي عشان تأكدي لي إن كل حاجة ليها بداية و ليها نهاية

.. ياللا كفاية بقى كلام في اللي فات


2008 :

فاتحالك دراعاتي على الآخر... حاطة عليكي آمال كبيرة أوي

مستنية منك تحققي لي أحلام كتييييييير مالهاش نهاية ..

كمان مستنية حاجة معينة ... بتمنى بجد ربنا يحققهالي ..

نفسي الدنيا ترجع تتملي خير من تاني ..

نفسي أرجع أحب كل حاجة و كل حد حواليا ..

متفائلة ... و ظني بربنا كله خير



كل سنة و احنـا طيبين ... و مليانين خير من جوانا

يقولون

يقولون :
"الصبر طيب"

يقولون أيضاً :
"اللي يصبر .. ينول"

إذا ً :
.. طيب

!! طفح الكيـل

عارفة إني ماشية في الطريق الصح

بس في نفس الوقت حاسة إني باسبح ضد التيار

لحد امتى هاتفضلوا تحاربوني و تكسروا فى مجاديفي؟

لحد امتى هايفضل الصح يتقال عليه غلط و الغلط يتقال عليه صح؟

لحد امتي هاقدر أصبر و أقاوم؟

أجدر بيكم لو مش قادرين تساعدوني وتشجعوني ... تسيبوني أكمل في طريقي


أستحلفكم بالله ... سيبوني في حالي

بسم الله ... أبــدأ

... احم

باختصار و بدون مقدمات

أنــا جيت

:)

....................

بس فيه حاجة صغنطوطة كده عايزة أوضحها

أنا جيت هنا بعد تفكير طوووووووييييييييل و إلحاح شديد من ناس قريبين أوى من قلبي

و هم عارفين نفسهم طبعا (؛

ايه بقى اللى جابني هنا؟!

رغم إني بطبيعتي إنسانة كتومة جداً حتى مع أقرب الناس ليا

إلا إني أحيانا ببقى محتاجة جداً أتكلم .. أطلع اللي جوايا

حتى لو كانت الفضفضة عبارة عن جملة ... أو كلمة واحدة

ممكن جداً اللي يقرأها مايفهمش حاجة

بس مجرد كتابتي ليها ... كتير أوي بيريحني

و أكيد هاكون مبسوطة لو تشاركوني إحساسي

من الآخر

هدفي الأساسي من عمل المدونة دي إني

أ... ت ... ك ... ل ... م


بس كده

(: