أكتب عن ايه؟
عن الأفلام اللي بشوفها عشان أنسى
أقوم أفتكر أكتر؟
.
عن الجملة اللي سمعتها في فيلم من ييجي شهر
و لسه بتتردد جوايا كل يوم؟
.
عن أغاني منير اللي بترسمني
دايرة الرحلة - يا حمام - بتبعديني
شجر اللمون - شبابيك - كل الحاجات - عيون؟
.
عن قلبي اللي اتمرّد عليّ
و فقدت قدرتي على التحكم فيه؟
.
عن التعاسة اللي بتنخر في روحي؟
.
عن الضوافر اللي تعبت من المعافرة والنحت في الصخر
اللي بمارسهم كل يوم عشان أنسى و...مابعرفش؟
.
عن أشباح الماضي اللي مش عايزة تحلّ عني؟
.
عن الكائن الهلامي المتوحش
المسمّى بـ "الحنين"؟
.
عن مكان خطوتك ع الأرض
و روحك اللي لسه محاصراني ومش عايزة تفارقني؟
.
عن الأحلام اللي بتجلِدني كل يوم وأنا نايمة؟
.
عن الصبر اللي عايز صبر لوحده؟
.
عن الراجل اللي ماجاش على بالي
غير قبل ما أعرف إنه مات بـ 10 دقايق؟
الراجل ومراته اللي كانوا بيحبوني
أضعاف الحب اللي بيحبوه لأخواتي
الراجل ومراته اللي ماتوا في حادثة "سوا"؟
.
عن الفرص اللي ضيّعتهم..وللا اللي ماضيّعتهمش؟
.
عن عيون الناس اللي مابترحمش
وكلامهم اللي بيدبح بسكاكين تِلمة؟
.
عن "ولاد الكلب" اللي بقوا في كل حتة ومابيموتوش؟
طب نموت احنا طيب؟
.
عن السياسة
و عكّ التنّييييين اللي بيحصل في البلد؟
.
عن الكائنات اللزجة/القميئة اللي بتكدب الكدبة وتصدقها؟
.
عن هيستيريا "الشراء" اللي انقضّت عليّ في الفترة الأخيرة؟
شِرا بشراهة ما بعدها شراهة
شِرا أي حاجة وكل حاجة بلا أي مبرر؟
.
عن الشوكولاتة اللي سبتها وأنا بحبها
عشان مازهدش فيها..و بردو زهدتها؟
.
عن الدنيا اللي مش عايزة تسيبني في حالي؟
.
عن إحساس العروسة الماريونيت
اللي ماتملكش من أمرها شيء؟
.
عن أعراض "التوحّد" اللي بتراودني من فترة؟
.
عن رجليا اللي كنت لسه من شهرين
كاتبة عنهم: ممتنة جدا ليهم
لأنهم لسه قادرين يشيلوني رغم كل اللي حصل/بيحصل
قاموا رفضوا الامتنان وأعلنوا عليّ العِصيان
و بدأوا ينوؤا بالحِمل اللي قلبي شايله؟
.
عن الدكتور اللي أول ما شاف رجلي
تنّح وقال لي: كويس أصلا إن رجليكي شايلاكي
و جاية لي مشي (مش متشالة يعني!)؟
.
عن عدم قدرتي_للمرة المليون_ على التفريق
بين البلاء والابتلاء؟
.
عن رمضان اللي مستنياه من سنة
و في الآخر هاضطر أصلّي التراويح/ القيام وأنا قاعدة؟
يعني اييييييه أصلّي "قيااااااام" وأنا قاعدة؟
.
عن مكة اللي هاتتقلع لي عين
وأروحها تاني ومش عارفة؟
.
عن السَكينة اللي مش طالبة غيرها
و مش طايلاها؟
.
عن الزمن اللي بيمشي لورا مش لأدّام؟
عن الأفلام اللي بشوفها عشان أنسى
أقوم أفتكر أكتر؟
.
عن الجملة اللي سمعتها في فيلم من ييجي شهر
و لسه بتتردد جوايا كل يوم؟
.
عن أغاني منير اللي بترسمني
دايرة الرحلة - يا حمام - بتبعديني
شجر اللمون - شبابيك - كل الحاجات - عيون؟
.
عن قلبي اللي اتمرّد عليّ
و فقدت قدرتي على التحكم فيه؟
.
عن التعاسة اللي بتنخر في روحي؟
.
عن الضوافر اللي تعبت من المعافرة والنحت في الصخر
اللي بمارسهم كل يوم عشان أنسى و...مابعرفش؟
.
عن أشباح الماضي اللي مش عايزة تحلّ عني؟
.
عن الكائن الهلامي المتوحش
المسمّى بـ "الحنين"؟
.
عن مكان خطوتك ع الأرض
و روحك اللي لسه محاصراني ومش عايزة تفارقني؟
.
عن الأحلام اللي بتجلِدني كل يوم وأنا نايمة؟
.
عن الصبر اللي عايز صبر لوحده؟
.
عن الراجل اللي ماجاش على بالي
غير قبل ما أعرف إنه مات بـ 10 دقايق؟
الراجل ومراته اللي كانوا بيحبوني
أضعاف الحب اللي بيحبوه لأخواتي
الراجل ومراته اللي ماتوا في حادثة "سوا"؟
.
عن الفرص اللي ضيّعتهم..وللا اللي ماضيّعتهمش؟
.
عن عيون الناس اللي مابترحمش
وكلامهم اللي بيدبح بسكاكين تِلمة؟
.
عن "ولاد الكلب" اللي بقوا في كل حتة ومابيموتوش؟
طب نموت احنا طيب؟
.
عن السياسة
و عكّ التنّييييين اللي بيحصل في البلد؟
.
عن الكائنات اللزجة/القميئة اللي بتكدب الكدبة وتصدقها؟
.
عن هيستيريا "الشراء" اللي انقضّت عليّ في الفترة الأخيرة؟
شِرا بشراهة ما بعدها شراهة
شِرا أي حاجة وكل حاجة بلا أي مبرر؟
.
عن الشوكولاتة اللي سبتها وأنا بحبها
عشان مازهدش فيها..و بردو زهدتها؟
.
عن الدنيا اللي مش عايزة تسيبني في حالي؟
.
عن إحساس العروسة الماريونيت
اللي ماتملكش من أمرها شيء؟
.
عن أعراض "التوحّد" اللي بتراودني من فترة؟
.
عن رجليا اللي كنت لسه من شهرين
كاتبة عنهم: ممتنة جدا ليهم
لأنهم لسه قادرين يشيلوني رغم كل اللي حصل/بيحصل
قاموا رفضوا الامتنان وأعلنوا عليّ العِصيان
و بدأوا ينوؤا بالحِمل اللي قلبي شايله؟
.
عن الدكتور اللي أول ما شاف رجلي
تنّح وقال لي: كويس أصلا إن رجليكي شايلاكي
و جاية لي مشي (مش متشالة يعني!)؟
.
عن عدم قدرتي_للمرة المليون_ على التفريق
بين البلاء والابتلاء؟
.
عن رمضان اللي مستنياه من سنة
و في الآخر هاضطر أصلّي التراويح/ القيام وأنا قاعدة؟
يعني اييييييه أصلّي "قيااااااام" وأنا قاعدة؟
.
عن مكة اللي هاتتقلع لي عين
وأروحها تاني ومش عارفة؟
.
عن السَكينة اللي مش طالبة غيرها
و مش طايلاها؟
.
عن الزمن اللي بيمشي لورا مش لأدّام؟
