الأم ---> للأب : ابنك (17 سنة) بيشرب سجاير من ورانا
الأب ---> للأم : خلاص .. سيبيهولي و أنا هاتصرف معاه
الأب ---> للابن : بص يابني .. انت تشرب سجاير ماشي .. لكن اوعى تشرب مخدرات
الابن ---> للأب : حاضر يا بابا .. أوعدك
--------------------------------
تحية إلى هذا الأب الهُـمام
أنا مش بس برفع لك القبعة
دا أنا بقلعها لك خالص
-----------------------
أبهات آخر زمن صحيح!!
و لســـــه
الأب ---> للأم : خلاص .. سيبيهولي و أنا هاتصرف معاه
الأب ---> للابن : بص يابني .. انت تشرب سجاير ماشي .. لكن اوعى تشرب مخدرات
الابن ---> للأب : حاضر يا بابا .. أوعدك
--------------------------------
تحية إلى هذا الأب الهُـمام
أنا مش بس برفع لك القبعة
دا أنا بقلعها لك خالص
-----------------------
أبهات آخر زمن صحيح!!
و لســـــه
14 comments:
بوستاتك بسيطة جدا وكلامها قليل اوى .. بس بجد بتبقى جامدة بغباء وببقى فرحانة اوى وانا بقراها ومش عايزاها تخلص
الى بيعجبنى فيكى انك مش سلبية وبتحبى تنقدى
يعنى انا لو مكانك وشفت الموقف ده.. هبتسم ابتسامة سخرية وانتهينا.. مش هكلف سيادتى واعمل بوست
عشان كده انا بعتبر نفسى سلبية جدا
خلى بالك من نفسك .. كونى بخير :)
عارفة
أنا في رأيي
ان دايما الاولاد لاااااازم بيعدوا اللي باباهم ومامتهم موقفينهم عنده بخطوة
يعني لو الاب قايل لابنه ماتشربش سجاير
هيشرب سجاير لكن مش هيشرب مخدرات
واللي قال له اشرب سجاير بس بلاش مخدرات
هيشرب سجاير ومخدرات
واللي بتوافق بنتها انها تكلم زميلها في التليفون بس ماتخرجش معاه
هتكلمه وتخرج معاه
واللي قالتلها ولا تكلميه ولا تخرجي معاه هتكلمه بس
كده يعني
فالأب والأم لازم يوقفوهم عند النقطة اللي قبل اللي هم عايزينهم يعملوها عشان يبأى كده تمام (:
ريرررري :
ايه يا بنتي الكلام الجميل دا كله؟ دا كتير عليا بجد :)
وبعدين فين الإيجابية دي؟ أنا لو كده فعلا كنت روحت واجهت الراجل دا و قولتله في وشه ايه اللي انت بتعمله دا؟ كنت هزأته بجد .. بس للأسف فيه ناس معينة الكلام مابيجيبش معاها أي نتيجة
أنا بخير الحمد لله .. المهم إن انتي تكوني
لسه فاكرة؟ :))
ريهام .. انتي جميلة أوي
:)
دندونة :
تصدقي .. وجهة نظر بردو حكاية الخطوة دي!
بس فين دلوقتي الأبهات و الأمهات اللي يفهموا الكلام دا؟
حاسة إنهم بقوا نادرين أوي
بجد بقيت بشوف دلوقتي أهالي مش عارفة هما حاسين بنفسهم و بأسلوب تربيتهم للأولاد وللا لأ ..
و في الآخر بيستغربوا ازاي أولادهم بيطلعوا فاسدين !!
دا الحمد لله أوي على إننا لحقنا قطر المتربيين
رأيك دخل دماغي بجد :)
واحد صحبى كانت مامته بتذاكرله وهو فى ثانوى
بعدها بكام سنة لقيته بيشرب سجاير
قلتله ومامتك عارفة؟
قاللى زودتلى المصروف عشان السجاير
يا عم علي البوستات الجامده
ربنا يرحمنا من السجاير و اللي بيشربوها
و يهدي شباب و بنات المسلمين
:)
moodysalihamidzic :
نعمَ الأمهات!!
حاجة تفرس بجد
ربنا يهدي
أهلا بزيارتك الأولى :)
-------------------
Bongo :
آآآآآآآآمين
نفسي بجد أعيش في دنيا من غير سجاير .. و حاجات تانية كتير كده
:D "دا انتي اللي جامدة يا "ببو
نورتيني يا سكرة ... اوعي تكون الأخيرة
;)
أي خدمة (;
ربنا مايحرمني منك أبدا
;)
بصي يا يمامه عندك حق في حريات الأهل بيدوها لأبنائهم من باب الثقة والحرية بس ساعات بيبقى عندهم حق في القوانين اللي بيسنوها
وبقول بيسنوها لأننا بنحب نخرقها مزاج كده
أنا لما بفكر في اي حاجة بيمنعوني منها بفكر أنا هعمل ايه في أولادي
صدقيني اسوأ بكتير
يبقى لما الأب يقوله اشرب سجاير
ان شاء الله هيلاقيه بيجرب حاجات تانية كتير من باب الحرية
ولاعزاء للثورة الفرنسية
مفيش أي حاجة ممكن تبرر أنه يقوله اشرب سجاير .. مش دي الحرية ولا دي الثقة
بجد ربنا يستر علينا الأيام الجاية
و يهديهم
!!!
وأنا كمان بقلعله القبعه :)
أبهات آخر زمن فعلا :)
تحياتي على البوست اللذيذ دا
إيه دة؟؟
هو فيه اب يقول لإبنه اشرب سجاير
لا حول ولا قوة إلا بالله
صحيح
ابهات آخر زمن
بوست بسيط بس جااااااااامد
محمد أبو الفتوح عبد المنعم سالم غنيم :
ربنا يكرمك :)
حضرتك شرفت بزيارتك الأولى
------------------------
ميّويه :
آه يا بنتي فيه .. تخيلي
ربنا يهدي الجميع
متشكرة يا جميلة
نورتيني .. ياريت تبقي تكرري الزيارة
:)
Post a Comment