واحدة مخلصة دراسة و مذاكرة و امتحانات
بقالها أكتر من سنة و نص
تحلم بالامتحانات
ليييييييييييييييييييييييييييه؟!!!!
لأ و مش أي امتحانات
مرة تروح متأخرة عن الامتحان ساعتين
مرة تفتكر فجأة إن عندها امتحان و هي في البيت
مرة تلاقي نفسها جوه اللجنة و هي مش مذاكرة أي حاجة
مرة تكتشف ليلة الامتحان إنها مافتحتش المادة قبل كده
مرة تتفاجئ إن عندها امتحان مادة تانية غير المادة اللي ذاكرتها
مالي أنا و مال الامتحانات؟؟
بتطاردني حتى في أحلامي؟؟
دانا ماصدقت خلصت مذاكرة و امتحانات
و احنا حتى في أجازة نص السنة
... أنا بجد مفرررررووووسة
16 comments:
هههههههههههه .. بجد غريبة جدا
بس اعصابك
وحشانى جدااااااااااااا
يوووووووووه كان نفسى اعلق قبل ريرى , يلا انا وريرى واحد بردك , تصدقى وحشانى جدا يابنت ياريرى , وبعدين هيه وحشاكى وانا لأ يعنى ؟ , المهم ماعلينا مضطرين نقلب الكلام على اليمامة مهيه صاحبت البلوج بقى هنعمل ايه ( وش مضطر ) , يمامتى حبيبتى احنا فى نعمة فعلا , اه انا زعلانة على ايام الكلية ووحشانى جدا , بس اكتر حاجة مصبرانى فعلا انى ماباتعبش تفكيرى فى انى افهم واذاكر حاجة , لأ واللى مصبرنى اكتر انى باضرب العيال لما مش بيذاكروا وبافترا كمان , وحشانى يابنت يايمامة جدا , قرف لما يبقى يبقى يبقى
ريررررررري :
أعصابي ايه بس؟ مهي الأحلام دي اللي بوظت لي أعصابي!!
انتي كمان وحشاني .. وحشاني بجد .. جدا
موووووحه :
كاتبة 4 سطور بحالهم لماضة و بس.. اهمدي شوية
ما علينا.. ايوه مانا عارفة إننا _الحمد لله_ في نعمة كبيرة جداً إننا خلصنا.. بس نقمة الامتحانات لسه لحد دلوقتي بتطاردني في أحلامي..
بطلي افترا على العيال يا بت ..هاتعقديهم و هاتتحاسبي عليهم
انتي كمان وحشاني أوي .. مش عارفة ايه الخروجة الجملي دي!!
بجد قرف لما يبقى يبقى يبقى
دى يا ستى أعراض مرض اسمه لعنة الدراسة
حاجة كده شبه لعنة الفراعنة بس لعنة الفراعنة أخف منها شويتين
مش عايزك تخافى لأن فيه ناس كثير عندهم نفس المشكلة
يعنى ممكن تحاولى كده قبل ماتنامى تفتكرى حاجة حلوة و تدعى ربنا يشفيك و خلاص
على فكرة فيه أمل كبير فى الشفاء
ممكن بعد ثلاث أيام أو ثلاث أسابيع أو ثلاث أشهر
مش عايزك تقلقى خالص علشان القلق بيطول فترة المرض
و لما تخفى يا ريت تبليغنى
و بالشفا
عاجل الانباء
تم اصدار قرار تجديد الاعتقال للدكتور الزعفراني بعد الافراج عنه مرتين وهو الان في سجن الغربانيات في برج العرب بعدما كان محتجز في الترحيلات
شاركنا في التوقيع علي وثيقه اطلاق سراح الدكتور ابراهيم الزعفراني
Dr. Kafy :
ايه ده؟ يعني فيه أمل أخف؟
أنا كنت خايفة أموت!!
طب الحمد لله
مدونة يلا نفضحهم :
طيب ..هاروح أشوف
هو أنت كنتي من الدحاحين و الدحاحات أيام الكليه ولا اية
تقريبا انتي بتحني بس
ما هو طول ما الامتحانات ورانا احنا مش طايقنها
وأول ما نخلص منها نجري وراها
بشششر
معلش يا بنتى
ده تقريبا نوع من الحنين للدراسة
رغبة مكبوتة فى عقلك اللاواعى بيعبر عنها اثناء النوم على هيئة احلام
انا بحلم برضه بالحاجت دى بس بدأت حدتها تخف من ساعة ما دخلت التلاجة
مش ناوية تدخلى
هههههههههههههههههههه
انا الحمد لله من ساعه ماخلصت..وانا بنام مابحلمش....
:D
ممكن تكون دي صدمة متأخرة من الدراسة :)
أنا لحد دلوقتي لدخل امتحان التاريخ ومش بحل حاجة
رغم اني سبت المادة دي من 8 سنيين
لوحلمتي تاني بامتحان اضحكي عليهم وقولي لهم الحلم الجاي هذاكر
يا بنتي كلنا كده
ماما لسه حتى الآن بتحلم بالامتحانات ((:
أحلام الامتحانات دي بتبأى كئيييييييبة
بس الواحد لما بيصحى بيحمد ربنا انه كان حلم ((:
على فكره والله بجد انا مريت بنفس الفتره وكنت بقوم من النوم على اساس انى متاخر عن الامتحنات بس ده ممكن يكون بسبب انك عديتى فتره تركيز جامده فى الامتحنات وعشتى على اعصابك مع الوقت حتنسيها وحاولى تركزى فى حاجه تانى
آلاء :
دحاحين؟ أنا؟!! برئ يا بيه
دا أنا حتى متخرجة بجيد جدا بس
:D
والله يا بنتي ما بجري وراها ولا طايقاها ، دا هي اللي بتطاردني :\
جيدااااء :
أحنّ للدراسة و أيامها آه.. إنما الامتحانات لأااااااااا
بالنسبة للتلاجة بقى ..أنا حالياً واقفة أدامها .. خايفة أدخل ماعرفش أخرج وقت ما أحب .. و أرجع أندم
تخاريييييف :
بطلتي تحلمي؟!!
و قادرة تعيشي يا بنتي؟ :)
شهرزاد :
هههههههههه .. تصدقي فكرة ..خلاص المرة الجاية هاقولهم كده فعلا
ياريتها كانت تيجي على التاريخ بس .. الموضوع أكبر من كده بكتييييير
امرأة :
يا خبر أبيض!!
يعني أنا هافضل كده على طول؟
حتى أما أبقى أم؟
على كده بقى هاحلم ليا و لولادي إن شاء الله :D
آه فعلاً بجد
الحمد لله .. الحمد لله أوي
رئيس جمهورية نفسه :
الحمد لله .. يعني ماطلعش أنا لوحدي في الموضوع ده ..
بس بجد أنا عندي حاجات تانية أهم بكتير شغلاني و بفكر فيها .. و رغم كده لسه بحلم بالامتحانات
هنساها امتى بس؟ و هشغل نفسي ايه أكتر من كده؟
Post a Comment