و أخــيرًا

لوحدها

بس طايرة

عرفت تطير

حقيقة 4

أنا مايهمنيش

أد ايه بيحبوني..وأد ايه مش بيحبوني

اللي يهمني بجد

اللي بيحبوني..بيحبوني أد ايــه

بس كده

فرح ريهام

يوم فرحك

مش هاصوّرك بكاميرا ولا بموبايل

أنا هاصوّرك بعينيا

و أطبع الصورة في قلبي

عشان أفضل فاكرة شكلك وانتي عروسة

طول الوقت

عشان مهما حصل بعد كده

ليا أو ليكي

نفضل نفتكر إن ده في يوم من الأيام

كان حلم شبه مستحيل..و اتحقق

يوم فرحك

هايفضل لي طاقة نور

تديني أمل

و تنوّر لي عتمة كل اللي فات

واللي لسه هاييجي

.
.

ربنا يسعدك و يفرح قلبك

و يحلّي أيامك كلها
و يريح بالك ويهدّي سرك

و يعوضك خير عن كل اللي فات

يا أعز و أغلى الناس

راحة

متونّسة بنوره

.

و كفاية عليّ نوره