انتي عارفة اللي بتسندك دي
وبتقولك معلش اتحمّلي..؟
محتاجة بردو اللي يسندها ويطبطب عليها..
محتاجة بردو اللي ياخد بإيدها ويقوّيها..
بس هي مش بتعمل ده لأنها أقوى منك
ولا مسنودة عنك..ولا صالبة طولها
بالعكس..!
الفرق بينك وبينها إنها عارفة كويس وفاهمة
إننا لو ما سندناش بعض..
واتعكّزنا على بعض..
وكان ضهرنا في ضهر بعض..
هانعجّز!
هانقع!
مش هانقدر نكمّل!
.
.
.
نفسي بجد نتعامل مع بعض على الأساس ده!
ـ.................................................
أنا هاخِفّ منك
مسيري أخِفّ منك
لازم أخِفّ منك
أكيد هاخِفّ منك
إن شاء الله هاخِفّ منك
يارب أخِفّ منك
.
.
.
هافضل أرددها جوايا
لحد ما أصدقها وأتمناها بجد وأقدر أحققها
لإني مؤمنة تماما بمقولة مريد البرغوثي:
"أحياناً..عندما نريد جِدّاً..
عندما نريد بقُوَّة..يكون ما نُريد"
.
.
.
ومافتكرش إني دلوقتي
عايزة/محتاجة/بتمنى
حاجة أكتر من كده..!
ـ
إلبس أحمر
و وردي و بمبة
و كل الألوان الفاقعة
و اتحرّك..
و صرّخ!
يمكن يترد الدم
لأطرافك
الزرقا
الساقعة....!
.
.
.
وليــد طاهر
ـ"البدايـات"
ما أجملها!
.
.
"النهايـات"
ما أقساها!
.
.
"الانتكاسـات"
ما أصعبها!
ـ
